(ພາບນັກທ່ອງທ່ຽວບາງສ່ວນ ທີ່ໄດ້ຮັບການຊ່ວຍເຫຼືອແລ້ວ)
ເຮືອອິນໂດເນເຊຍຫຼົ້ມອັບປາງກາງທະເລ ໃນຂະນະທີ່ກຳລັງເດີນທາງຈາກເກາະລອມບອກ ໄປເກາະໂຄໂມໂດ
ສູນຫາຍ 15 ຄົນ.
ເມື່ອວັນທີ 17 ສິງຫາ 2014 ສຳນັກຂ່າວຕ່າງປະເທດລາຍງານວ່າ ເກີດອຸບັດເຫດເຮືອໂດຍສານນຳທ່ຽວ ເຊິ່ງໄດ້
ບັນທຸກນັກທ່ອງທ່ຽວຕ່າງຊາດຈຳນວນກ່ວາ 20 ຄົນ ຫຼົ້ມອັບປາງກາງທະເລ ໃກ້ກັບເກາະຊັນແກງ ອາປີ ຂອງ
ເມືອງບີມາ ລະຫວ່າງເສັ້ນທາງຈາກເກາະລອມບອກ ໄປຍັງເກາະໂຄໂມໂດ ປະເທດອິນໂດເນເຊຍ.
ລາຍງານລະບຸອີກວ່າ ເຫດກັ່ງກ່າວເກີດຂຶ້ນ ເມື່ອວັນທີ 16 ສິງຫາ 2014 ທີ່ຜ່ານມາ ໂດຍພາຍໃນເຮືອນຳທ່ຽວ
ລຳນີ້ ມີທັງໝົດ 25 ຄົນ ເປັນຊາວຕ່າງປະເທດ 20 ຄົນ ແລະ ເປັນລູກເຮືອຊາວອິນໂດເນເຊຍອີກ 5 ຄົນ ເຊິ່ງ
ໃນນີ້ ມີຈຳນວນຜູ້ສູນຫາຍ 15 ຄົນ ໃນຂະນະດຽວກັນກໍມີນັກທ່ອງທ່ຽວຕ່າງປະເທດ 10 ຄົນ ທີ່ໄດ້ຮັບການຊ່ວຍ
ເຫຼືອຂຶ້ນມາຈາກນ້ຳໄດ້ແລ້ວ.
ທາງດ້ານ ທ່ານ ບູເດຍວັນ ຫົວໜ້າສຳນັກງນການຄົ້ນຫາ ແລະ ກູ້ໄພໃນເມືອງມາຕາຣາມ ເມືອງເອກຂອງ
ແຂວງນູຊາ ເຕັງກາຣາ ໄດ້ເປີດເຜີຍວ່າ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ທີ່ຍັງຄົງສູນຫາຍ ໂດຍໃຊ້
ເຮືອຢ່າງໜ້ອຍ 4 ລຳ, ສ່ວນສາເຫດທີ່ເຮັດໃຫ້ເຮືອຫຼົ້ມໃນຄັ້ງນີ້ ຍັງຄົງຢູ່ໃນລະຫວ່າງການສືບສວນ.