ຜົນກະທົບຈາກມາດຕະການຕອບໂຕ້ຂອງຣັດເຊຍ ຕໍ່ການຂ້ວາມບາດຂອງ EU ເຮັດໃຫ້ຊາດເອີລົບເດືອດຮ້ອນໄປທົ່ວ
ລ່າສຸດ ຮົງກາລີ ອອກມາຮຽກຮ້ອງສະຫະພາບເອີລົບຕ້ອງຮັບຜິດຊອບ.
ສື່ຂອງຕ່າງປະເທດລາຍງານວ່າ ທ່ານ ວິກເຕີ ອໍເບີນ ນາຍົກລັດຖະມົນຕີຮົງກາລີ ໄດ້ກ່າວຜ່ານສະຖານີວິທະຍຸແຫ່ງຊາດ
ເມື່ອວັນທີ 15 ສິງຫາ 2014 ທີ່ຜ່ານມາວ່າ ນະໂຍບາຍຂວ້າມບາດຣັດເຊຍຂອງສະຫະພາບເອີລົບ ໄດ້ສ້າງຄວາມເສຍຫາຍ
ທາງດ້ານເສດຖະກິດ ດ້ານການສົ່ງອອກຂອງຮົງກາລີຢ່າງມະຫາສານ ເຮັດໃຫ້ເກີດການຂາດທຶນໃນຂະແໜງກະສິກຳ
ເຊິ່ງເສຍຫາຍໄປແລ້ວເຖິງ 80 ລ້ານເອີໂຣ ອັນເນື່ອງມາຈາກຜົນພວງຂອງມາດຕະການຕອບໂຕ້ ການຂ້ວາມບາດຂອງ
ຣັດເຊຍ ໂດຍທັງນີ້ ຜູ້ນຳຂອງຮົງກາລີ ຕ້ອງການໃຫ້ສະຫະພາບເອີລົບ ຮັບຜິດຊອບຕໍ່ຄວາມເດືອດຮ້ອນທີ່ເກີດຂຶ້ນໄປ
ທົ່ວເອີລົບ ຈາກມາດຕະການດັ່ງກ່າວນີ້ອີກດ້ວຍ.