ອີງຕາມປະຕິທິນລາວ ສະບັບປີ ພສ 2560 ໄດ້ກຳນົດຢ່າງຈະແຈ້ງວ່າ ວັນຂຶ້ນປີໃໝ່ລາວ ພສ ບໍ່ໄດ້ມີການປ່ຽນແປງ ແຕ່ວ່າຈະເປັນ ຈສ  ດັ່ງລາຍລະອຽດປະຕິທິນບາງຕອນຂຽນໄວ້ວ່າ:

ສັງຂານລ່ວງ: ວັນສຸກ (ມື້ຮ້ວງມົດ) ແຮມ 3 ຄໍ່າ ເດືອນ 5 ພສ 2559, ຈສ 1378, ກົງກັບວັນທີ 14 ເມສາ ຄສ 2017 ເວລາ 03 ໂມງ 12 ນາທີ 30 ວິນາທີ.

ວັນເນົາ: ວັນເສົາ (ມື້ເຕົ່າສັນ) ແຮມ 4 ຄໍ່າ ເດືອນ 5 ພສ 2559, ຈສ 1378, ກົງກັບວັນທີ 15 ເມສາ ຄສ 2017 (ເນົາວັນດຽວ).

ສັງຂານຂຶ້ນ: ວັນອາທິດ (ມື້ກ່າເຮົ້າ) ແຮມ 5 ຄໍ່າ ເດືອນ 5 ພສ 2559, ຈສ 1378, ກົງກັບ ວັນທີ 16 ເມສາ ຄສ 2017 ເວລາ 06 ໂມງ 46 ນາທີ 48 ວິນາທີ ປ່ຽນປີວອກ (ຮວາຍສັນ) ອັດຖະສົກ, ປົກກະຕິມາດ ໄປເປັນປີ ລະກາ (ເມີງເຮົ້າ) ນົບພະສົກ ຈສ 1379.

ທຸກໆ ປີ ພສ ຈະປ່ຽນເປັນ ພສ ໃໝ່ ໃນມື້ແຮມ 1 ຄໍ່າເດືອນຫົກ ຕາມປະຕິທິນຈັນທະລະຄະຕິ ເນື່ອງຈາກວ່າ ພສ ຖືກກຳນົດຂຶ້ນພາຍຫຼັງພະພຸດທະເຈົ້າສະເດັດປະລິນິບພານ 1 ວັນ (ພະພຸດທະເຈົ້າສະເດັດປະລິນິບພານ ໃນມື້ເພັງ 15 ຄໍ່າເດືອນຫົກ)