spot_img
Homeອຸບັດເຫດແລະປາກົດການຫຍໍ້ທໍ້ຈັບ 3 ຄົນ ຄະດີສໍ້ໂກງຊັບຂອງພົນລະເມືອງ

ຈັບ 3 ຄົນ ຄະດີສໍ້ໂກງຊັບຂອງພົນລະເມືອງ

Published on

ເມື່ອວັນທີ 11 ເມສາ 2017 ໜັງສືພິມຄວາມສະຫງົບ ລາຍງານວ່າ ຕົ້ນເດືອນ ກຸມພາ 2017, ກົມໃຫຍ່ຕໍາຫຼວດ ກະຊວງປ້ອງກັນ ຄວາມສະຫງົບ ໄດ້ມ້າງຄະດີສໍ້ໂກງຊັບຂອງພົນລະເມືອງ ສາມາດກັກຕົວ ຜູ້ຖືກຫາ 3 ຄົນ ຊື່ນາງ ແສງມະນີ ອາຍຸ 23 ປີ ຢູ່ບ້ານສີວິໄລ ເມືອງໄຊທານີ, ນາງ ເຂັມເພັດ ອາຍຸ 56 ປີ ຢູ່ບ້ານດອນນົກຂຸມ ເມືອງສີສັດຕະນາກ ແລະ ທ້າວ ວົງສະຫວັນ ອາຍຸ 56 ປີ ຢູ່ບ້ານທາດຫຼວງກາງ ເມືອງໄຊເຊດຖາ ນະ ຄອນຫຼວງວຽງຈັນ ທີ່ແອບອ້າງຕົວະຍົວະເອົາຄົນເຂົ້າຮຽນຕໍາຫຼວດ ແລະ ເຂົ້າເປັນຕໍາຫຼວດ.

ຜົນການສອບສວນຂອງເຈົ້າໜ້າທີ່ ນາງ ແສງມະນີ ສາລະພາບວ່າ: ຜູ້ກ່ຽວໄດ້ຕົວະເອົາຄົນແລ່ນເຂົ້າຮຽນຕໍາຫຼວດ ແລະ ເຂົ້າຕໍາຫຼວດແທ້ ໂດຍຜູ້ກ່ຽວໄດ້ປອມແປງຂໍ້ຕົກລົງຂອງລັດຖະມົນຕີ ກະຊວງປ້ອງກັນ ຄວາມສະຫງົບ ວ່າຕ້ອງການຄົນເຂົ້ານັກຮຽນຈົບ ມ ປາຍ ມາຮຽນນາຍສິບຢູ່ສະໜາມມ້າ ແລະ ເປັນຕໍາຫຼວດ. ຈາກນັ້ນຜູ້ກ່ຽວ ກໍເຄື່ອນໄຫວຕົວະຍົວະຫຼອກລວງປະຊາຊົນ ຈໍານວນ 64 ຄົນ ລວມເງິນທັງໝົດ 445.000.000 ກີບ ແລະ ເງິນບາດ 935.000 ບາດ. ນອກນັ້ນ, ຍັງມີນາງ ເຂັມເພັດ ຍັງໄດ້ຊອກຄົນມາໄດ້ 15 ຄົນ ໄດ້ເງິນທັງໝົດ 1.235.000 ບາດ. ໃນນັ້ນ, ຜູ້ກ່ຽວເອົາໃຫ້ນາງ ແສງມະນີ ຈໍານວນ 574.000 ບາດ. ສ່ວນທີ່ເຫຼື່ອ 661.000 ບາດ ຜູ້ກ່ຽວນໍາໄປໃຊ້ຈ່າຍຄອບຄົວ.

ທ້າວ ວົງສະຫວັນ ສາລະພາບວ່າ: ໄດ້ແລ່ນເອົາຄົນເຂົ້າຕໍາຫຼວດຈໍານວນ 60 ຄົນ ໄດ້ເງິນ 5.480.000 ບາດ. ໃນນັ້ນ, ໄດ້ນໍາເງິນທີ່ໄດ້ມາແບ່ງໃຫ້ກັບ ທ້າວ ກິດຕິພອນ ຈໍານວນ 3.471.000 ບາດ. ເຊິ່ງໃນເບື່ອງຕົ້ນທ້າວ ກິດ ຕິພອນ ໄດ້ມາຫາຜູ້ກ່ຽວວ່າສາມາດແລ່ນຄົນເຂົ້າຮຽນຕໍາຫຼວດນາຍສິບ ແລະ ເຂົ້າຕໍາຫຼວດ ໂດຍຈະໃຫ້ຄ່ານາຍໜ້າໜ້າຄົນລະ 30.000 ບາດ. ຈາກ ນັ້ນ, ໄດ້ໄປຊອກຄົນມາໃຫ້ທ້າວ ກິດຕິພອນ ແລ້ວກໍບໍ່ສາມາດແລ່ນຄົນເຂົ້າ ໄດ້ຕາມທີ່ໄດ້ເວົ້າກັນ. ຕໍ່ມາໄດ້ມາຜູ້ເສຍຫາຍມາຮ້ອງຟ້ອງ ແລະ ຖືກກັກຕົວ ຕົວເວລາຕໍ່ມາ.

ຕໍ່ກັບສະພາບການດັ່ງກ່າວ, ເຈົ້າໜ້າທີ່ໄດ້ຮຽກຮ້ອງມາຍັງພໍ່-ແມ່ປະ ຊາຊົນ ຈົ່ງມີສະຕິໃນການທີ່ຈະແລ່ນເອົາລູກຫຼານຂອງ ຕົນໄປຮຽນຕໍ່ ຫຼື ເຂົ້າເປັນພະນັກງານລັດຖະກ່ອນ ເພາະວ່າມີກຸມຄົນບໍ່ດີຈໍານວນໜຶ່ງ ໄດ້ສວຍໂອກາດແອບອ່າງດ້ວຍກົນອຸບາຍຕ່າງໆທີ່ທ່ານຄິດບໍ່ເຖິງ ເພື່ອ ຕົວະຍົວະເອົາເງິນ-ຄໍາ ຫຼື ວັດຖຸມີຄ່າໄປ. ດັ່ງຄະດີທີ່ໄດ້ລາຍງານໃນ ຂ້າງເທິງ ທີ່ສ້າງຄວາມເສຍຫາຍເປັນເງິນຈໍານວນຫຼາຍ ເຊິ່ງເຫດການດັ່ງກ່າວໄດ້ສ້າງ ຄວາມບໍ່ເປັນລະບຽບຮຽບຮ້ອຍໃນສັງຄົມ.

ປັດຈຸບັນ, ຄະດີລາຍນີ້ແມ່ນຢູ່ໃນຂັ້ນຕອນຂອງການສອບສວນຂະ ຫຍາຍຜົນຂອງເຈົ້າໜ້າທີ່ ເພື່ອສະຫຼຸບສໍານວນຄະດີ ສົ່ງໃຫ້ໄອຍະການດໍາ ເນີນໄປຕາມຂັ້ນຕອນຂອງກົດໝາຍ.

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...