ພໍ່ແມ່ທຸກຄົນລ້ວນປາດຖະໜາໃຫ້ລູກເກີດມາມີສຸຂະພາບແຂງແຮງສົມ ແລະ ມີຜິວພັນດີກ້ຽງງາມ ໃນຄໍລຳແມ່ ແລະ ລູກ ມື້ນີ້ແອັດມິນເລີຍມີອາຫານຈະມາແນະນຳແມ່ຖືພາ ໃຫ້ກິນໃນຊ່ວງເວລາຖືພາ ເຊິ່ງຈະມີອາຫານຊະນິດໃດແນ່ນັ້ນເຮົາມາຮູ້ຈັກໄປນຳກັນເລີຍ

– ກິນປາ: ໃນປາມີໂອເມກ້າ 3 ແລະ ໂອເມກ້າ 6 ນອກຈາກຈະຊ່ວຍບຳລຸງສະໝອງ ແລະ ພັດທະນາການລູກນ້ອຍແລ້ວຍັງສາມາດຊ່ວຍປົກປ້ອງ ແລະ ຊ່ວຍບຳລຸງເຊລຜິວໄດ້ເປັນຢ່າງດີ
– ຜັກ, ໝາກໄມ້ ເພາະວິຕາມິນ ເກືອແຮ່ ຈະຊ່ວຍໃຫ້ເຊລຜິງແຂງແຮງຂຶ້ນ ຄວນເລືອກກິນຜັກ ໝາກໄມ້ສົດໆ ເຊັ່ນ: ໝາກອຶ, ແຄຣັອດ, ໝາກເລັ່ນ, ກ້ວຍ, ໝາກກ້ຽງ, ໝາກສີດາ, ໝາກຫຸ່ງສຸກ, ໝາກພິລາ, ໝາກອະງຸ່ນ ກິນສະລັບກັນໄປໃນແຕ່ລະມື້
– ທັນຍະພືດ ເຊັ່ນ: ເຂົ້າກ່ອງ, ໝາກເດືອຍ, ງາຂາວ, ງາດຳ, ປະເທດຖົ່ວຕ່າງໆ ຮວມເຖິງນ້ຳເຕົ້າຮູ້ ອຸດົມໄປດ້ວຍໂປຣຕິນ ແລະ ວິຕາມິນ ຊ່ວຍບຳລຸງຜິວໃຫ້ງານເປັ່ງປັ່ງ
– ດື່ມນ້ຳຫຼາຍໆ ຊ່ວຍບຳລຸງຜິວໃຫ້ນຸ້ມຊຸ່ມຊື່ນ ແລະ ຍັງຊ່ວຍຂັບລ້າງສານພິດອອກຈາກຮ່າງກາຍ ເປັນການດີທັອກຢ່າງມີປະສິດທິພາບວິທີໜຶ່ງທີ່ເຮັດໃຫ້ຜິວພັນກະຈ່າງໃສທັງແມ່ ແລະ ລູກ

ຢ່າງໃດກໍ່ຕາມແມ່ຖືພາຄວນກິນອາຫານໃຫ້ຫຼາກຫຼາຍຄົບ 5 ໝູ່ ແລະ ກິນໃນປະລິມານທີ່ພໍດີ