ບັນເທີງລາວໂພສຕ໌ ມື້ນີ້ແອັດມິນຈະມາອັບເດດຜົນຂອງການປະກວດ ນາງສາວນະຄອນຫລວງວຽງຈັນປະຈໍາປີ 2017 ເຊິ່ງຮອບຕັດສິນໄດ້ມີຂຶ້ໃນຄໍ່າຄືນທີ່ຜ່ານມາ (8/4/2017) ທີ່ໂຮງແຮມ ແລນມາກ ເຊິ່ງສາວງາມທີ່ສາມາດຄ້ວາມົງກຸດອັນຊົງກຽດຈາກເວທີການປະກວດນາງສາວນະຄອນຫລວງວຽງຈັນປະຈໍາປີ 2017 ໄປຄອງນັ້ນກໍ່ຄື ນາງສາວ ວານິພອນ ພູມີໄຊ ຫລື ໂຍ່ໂຍ່ ຜູ້ເຂົ້າປະກວດໝາຍເລກ 10
ນອກຈາກນາງຈະໄດ້ລາງວັນຊະນະເລີດແລ້ວ ຍັງໄດ້ລາງວັນພິເສດອີກເຖິງ 4 ລາງວັນ ຄື: ລາງ ວັນຂວັນໃຈຊ່າງພາບ, ລາງວັນນາງສາວໜ້າໃສ, ລາງວັນສາວຜິວງາມ ແລະ ລາງວັນສາວທັນສະໃໝ ມາຄອງອີກດ້ວຍ.
ນາງສາວ ວານິພອນ ພູມີໄຊ ອາຍຸ 21 ປີ ສ່ວນສູງ 168 ຊັງຕີແມັດ, ສັດສ່ວນ 32, 24, 35 ປັດຈຸບັນຈົບການສຶກສາຈາກ ສະຖາບັນໄປສະນີ ໂທລະຄົມມະນາຄົມ ແລະ ການສື່ສານ
ງານນີ້ມີເຫຼົ່າບັນດາຄົນບັນເທີງໄປຮ່ວມສະແດງຄວາມຍິນດີກັບນາງເປັນຈຳນວນຫຼາຍ ທາງທີມງານບັນລາວໂພສຕ ຂໍສະແດງຄວາມຍິນດີ ກັບນາງສາວ ວານິພອນ ພູມີໄຊ ທີ່ສາມາດຄ້ວາມົງກຸດອັນຊົງກຽດນີ້ມາຄອງ.
