ການຢາກໃຫ້ລູກເປັນເດັກທີ່ສະຫຼາດ, ສະໝອງດີ ສິ່ງເຫຼົ່ານີ້ພໍ່ແມ່ ຮູ້ບໍວ່າ ສາມາດສ້າງໄດ້ຕັ້ງແຕ່ລູກຍັງຢູ່ໃນທ້ອງ ແລະຖ້າຢາກໃຫ້ລູກສະຫຼາດ ເຮັດໄດ້ງ່າຍໆ

1. ແມ່ຕ້ອງກິນອາຫານດີໆ: ຊີວິດນ້ອຍໆ ທີ່ກຳລັງເຕີບໃຫຍ່ຢູ່ໃນທ້ອງຂອງເຈົ້ານັ້ນ ຈະເປັນແນວໃດກໍຂຶ້ນຢູ່ກັບ ນິໄສການກິນ ທີ່ມີຜົນຕໍ່ຊີວິດລູກນ້ອຍໂດຍກົງ ການກິນອາຫານໃຫ້ຄົບ 5 ໝູ່, ຫຼີກລຽງທາດແອວກໍຮໍ, ອາຫານທີ່ເຜັດເຄັມເກີນໄປ, ຄວນເລືອກກິນອາຫານທີ່ດີຕໍ່ສຸຂະພາບ ສະຫຼາດ, ສົດ, ໃໝ່ ເປັນຫຼັກ
2. ອ່ານໜັງສືທີ່ດີ: ຄວນເລືອກອ່ານໜັງສືທີ່ອ່ານແລ້ວຮູ້ສຶກດີ ແລະໃຫ້ຂໍ້ຄິດທີ່ດີ, ນອກຈາກອ່ານໜັງສືໃນເວລາຕອນສວາຍແລ້ວ, ແມ່ຄວນອ່ານໜັງສືກ່ອນນອນ ເພາະການອ່ານກ່ອນນອນ ຈະຊ່ວຍໃຫ້ເຈົ້າມີເທັກນິກ ໃນການເລົ່ານິທານກ່ອນນອນໃຫ້ລູກຟັງ, ການອ່ານຍັງຊ່ວຍຂັບໂຮໂມນ ທີ່ມີຜົນດີຕໍ່ການພັດທະນາສະໝອງຂອງລູກນ້ອຍໄດ້ອີກ
3. ເລືອກຟັງເພງທີ່ມີສາລະດີ: ຈາກການສຶກສາພົບວ່າ ລູກນ້ອຍໃນທ້ອງແມ່ ສາມາດໄດ້ຍິນສຽງຈາພາຍນອກ, ການຟັງເພງບໍ່ພຽງຊ່ວຍໃຫ້ແມ່ຜ່ອນຄາຍ ແຕ່ຍັງເຮັດໃຫ້ລູກນ້ອຍຜ່ອນຄາຍໄດ້ເຊັ່ນກັນ, ເພງມ່ວນໆ ຊ່ວຍຄາຍຄຽດໃຫ້ແມ່ ໃນຂະນະດຽວກັນກໍຊ່ວຍສ້າງສະພາບແວດລ້ອມ ທີ່ຜ່ອນຄາຍ ແລະອ້ອມລ້ອມດ້ວຍຄວາມສຸກໃຫ້ກັບແມ່ ແລະລູກ
4. ແມ່ຢູ່ໃນສິ່ງແວດລ້ອມທີ່ດີ: ສິ່ງທີ່ເຈົ້າເຫັນ ແລະໄດ້ຍິນ ລ້ວນສົ່ງຜົນໃຫ້ລູກນ້ອຍ, ດັ່ງນັ້ນ ແມ່ບໍ່ຄວນເບິ່ງໜັງ ຫຼືລາຍການທີ່ມີພາບຄວາມຮຸນແຮງ ແຕ່ຄວນເລືອກເບິ່ງສິ່ງທີ່ດີ ຕະຫຼອດໄລຍະຖືພາ ຄິດດີ, ເຮັດດີ, ເວົ້າດີ ແລະບໍ່ພາຕົວເອງໄປຢູ່ໃນສະພາບແວດລ້ອມທີ່ບໍ່ດີ, ການນັ່ງສສະມາທິ ກໍເປັນຕົວເລືອກທີ່ໜ້າສົນໃຈໃນການສ້າງສະພາບແວດລ້ອມທີ່ດີຮອບຕົວທ່ານໄດ້
5. ການກະຕຸ້ນທີ່ດີຈາກແມ່: ປະສາດສຳຜັດທຳອິດ ທີ່ພັດທະນາຕົວຂຶ້ນໃນລູກນ້ອຍ ຄືປະສາດຮັບຮູ້ການສຳຜັດ ການລູບທ້ອງຕະຫຼອດ ຈາກດ້ານລຸ່ມຂຶ້ນສູ່ດ້ານເທິງ ຈະສົ່ງຜົນສຳຜັດແຫ່ງຮັກ ຈາກແມ່ໄປຍັງລະບົບປະສາດຂອງລູກນ້ອຍໃນທ້ອງ ເຮັດໃຫ້ລູກສະຫງົບ, ອົບອຸ່ນ ແລະຍັງເສີມສ້າງຄວາມຜກພັນແມ່ລູກອີກດ້ວຍ