ສຳນັກຂ່າວຣອຍເຕີ ແລະ ເອພີລາຍງານຈາກນະຄອນຫຼວງມະນິລາ ປະເທດຟິລິບປິນ ເມື່ອວັນທີ 6 ເມສາ 2017 ວ່າ ປະທານາທິບໍດີ ໂຣດຣິໂກ ດູເຕີເຕ ຜູ້ນຳຟິລິບປິນ ກ່າວວ່າ ຟິລິບປິນຄວນສ້າງສິ່ງປຸກສ້າງເທິງເກາະ ແນວຫີນປະກາຣັງ ແລະ ແນວຫີນໂສໂຄຣກ ທັງ 10 ແຫ່ງ ທີ່ຟິລິບປິນອ້າງກຳມະສິດໃນໝູ່ເກາະສະແປດລີຍ໌ຂອງທະເລຈີນໃຕ້ແລະ ເຂົາອາດຈະເດີນທາງໄປຢ້ຽມເກາະປັກອາຊາ ໜຶ່ງໃນເກາະເຫຼົ່ານີ້ເພື່ອປັກທຸງຟິລິບປິນ “ເກາະບໍ່ມີຄົນຢູ່ອາໃສເຊິ່ງເປັນເກາະຂອງພວກເຮົາ ເຮົາໄປຢູ່ທີ່ເກາະເຫຼົ່ານີ້ກັນດີກວ່າ ” ດູເຕີເຕກ່າວຕໍ່ຜູ້ສື່ຂ່າວ ເມື່ອວັນພະຫັດ ລະຫວ່າງເດີນທາງໄປຢ້ຽມຢາມຄ້າຍທະຫານໃນແຂວງ ປາລາວັນ ເຊິ່ງຢູ່ໃກ້ເຂດນ້ຳພິພາດ
ແຜນການຂອງດູເຕີເຕຄາດວ່າຈະສ້າງຄວາມບໍ່ພໍໃຈໃຫ້ກັບຈີນ ທີ່ອ້າງກຳມະສິດເກືອບທັງໝົດໃນທະເລຈີນໃຕ້ ແລະ ແຜນການນີ້ໄດ້ມີຂຶ້ນໃນຂະນະທີ່ຄວາມສຳພັນລະຫວ່າງສອງປະເທດ ສະຫະລັດກັບຈີນກຳລັງອົບອຸ່ນຂຶ້ນຢ່າງໄວວາ ໃນໄລຍະຫຼາຍເດືອນທີ່ຜ່ານມາ.