ນະຄອນຫຼວງວຽງຈັນ ວັນອັງຄານ ວັນທີ4/4/2017.ເວລາ 09:00 ນາທີໄດ້ຮັບແຈ້ງເຂົ້າເບີສຸກເສີນ 1628 ວ່າມີຄົນຖືກຕີແລະຟັນດ້ວຍອາວຸດງ້າວຊີ່ງເອົາຊັບແມ່ນລົດຈັກເວບ 100 ເຂດເຈົ້າຟ້າງຸ່ມ ບ້ານສີຖານ ເມືອງສີໂຄດຕະບອງ ແຂວງນະຄອນຫລວງວຽງຈັນ.
ໜ່ວຍກູ້ໄພມູນນິທິຈີນໄດ້ອອກກວດສອບເຫດພົບຜູ້ບາດເຈັບເປັນເພດຊາຍ 1 ຄົນ (ຂໍບໍ່ເປີດເຜີຍຊື່ ແລະ ໜ້າຕາຂອງຜູ້ເສຍຫາຍ) ເປັນຄົນຕ່າງແຂວງ ມາຊອກວຽກເຮັດ. ອາການເບື້ອງຕົ້ນແມ່ນ: ແຜເປີດບໍລິເວນກາງຫຼັງ 5 ຫາ 10 cm ແລະ ບໍລິເວນແຂນ 5 ຫາ 7 cm. ດັ່ງນັ້ນໜ່ວຍກູ້ໄພມູນນີທິຈີນໄດ້ປະຖົມພະຍາບານແລ້ວນຳສົ່ງໂຮງໝໍມະໂຫສົດ
ຈາກການສອບຖາມຜູ້ບາດເຈັບໄດ້ເລົ່າວ່າ ມີຜູ້ຊາຍ 3 ຫາ 4 ຄົນ ໄດ້ໃສ່ອາວຸດງ້າວຟັນແລະຕີເອົາລົດຂອງລາວໄປຕັ້ງແຕ່ຊ່ວງເວລາປະມານ 4 ໂມງເຊົ້າ. ຈົນຮອດເວລາປະມານ 9:00 ຈິ່ງມີຜູ້ມາພົບເຫັນ ແລະ ໂທແຈ້ງໜ່ວຍກູ້ໄພເຂົ້າມາໃຫ້ການຊ່ວຍເຫຼືອ.
ພາບຂ່າວສານຈາກ: ອາສາກູ້ໄພ ກະຕູນ 1628