ທາງການຈີນເປີດເຜີຍໃນວັນທີ 31 ມີນາ 2017 ຜ່ານມາວ່າ ຈີນຕຽມເປີດ ເຂດການຄ້າເສລີໃໝ່ຂຶ້ນອີກ 7 ແຫ່ງ ໃນວັນທີ 1 ເສາ 2017 ຜ່ານມາ ເພື່ອກະຕຸ້ນການຄ້າ ແລະການລົງທຶນ ລະຫວ່າງປະເທດໃຫ້ມີຄວາມແຂງແຮງຫຼາຍຂຶ້ນ
ຖະແຫຼງການຈາກລັດຖະບານຈີນບອກວ່າ ສະພາແຫ່ງລັດ ແລະຄະນະລັດຖະມົນຕີ ໄດ້ອະນຸມັດໃຫ້ມີການຈັດຕັ້ງເຂດການຄ້າເສລີໃໝ່ 7 ແຫ່ງໃນ 7 ມົນທົນເຊັ່ນ: ມົນທົນຫຼຽວໜິງ, ມົນທົນເຈີ້ຈຽງ, ມົນທົນເຫີໜານ, ມົນທົນເຫີເປ່ຍ, ມົນທົນເສສວນ, ມົນທົນຊານຊີ ແລະມົນທົນນະຄອນສົງຊິ່ງ
ພາຍໃຕ້ແຜນກົນລະຍຸດດັ່ງກ່າວ ຈີນຈະເດີນໜ້າປະຕິຮູບເຂດການຄ້າເສລີໃໝ່ ພ້ອມກຳຈັດບັນຫາເລື່ອງຄວາມຊ້າຂອງລະບົບລາຊະການ ແລະຈະໃຊ້ນະມັດຕະກຳທາງການເງິນ ໃຫ້ເກີດປະໂຫຍດສູງສຸດໃນພື້ນທີ່ດັ່ງກ່າວ