ເວັບໄຊ ຂ່າວສົດ ລາຍງານເມື່ອວັນທີ 29 ມີນາ 2017 ວ່າ ວີໂອເອລາວ ລາຍງານວ່າ ລັດຖະບານລາວໃຫ້ສິດການຢູ່ອາໃສຖາວອນໃຫ້ແກ່ຊາວຕ່າງຊາດທຸກຄົນທີ່ຊື້ຫ້ອງພັກອາໃສໃນເຂດເສດຖະກິດສະເພາະບຶງທາດຫຼສງ ໃນນະຄອນ ຫຼວງວຽງຈັນ.

ທ່ານ ນາງ ບົວທາ ຂັດຕິຍະ ປະທານຄະນະກຳມະການແຫ່ງຊາດ ເພື່ອຄຸ້ມຄອງເສດຖະກິດພິເສດ ແລະ ເຂດເສດຖະ ກິດສະເພາະລະບຸວ່າ ທາງລາວມີນະໂຍບາຍເພື່ອສົ່ງເສີມການລົງທຶນໃນພື້ນທີ່ເສດຖະກິດສະເພາະໂດຍໃຫ້ສິດທີ່ຢູ່ອາໃສຖາວອນໃຫ້ແກ່ຊາວຕ່າງຊາດ ແລະ ຄົນເຊື້ອຊາດລາວທີ່ອາໃສຢູ່ໃນຕ່າງປະເທດທີ່ຊື້ຫ້ອງພັກ ໃນຕຶກສູງ 19 ຊັ້ນຈຳນວນ 12 ຕຶກໃນເຂດດັ່ງກ່າວ

ການກໍ່ສ້າງກຸ່ມອາຄານດັ່ງກ່າວໄດ້ສຳເລັດແລ້ວ 7 ອາຄານ ຈາກ 12 ອາຄານ ຂະນະນີ້ມີຊາວຕ່າງຊາດ ແລະ ຊາວລາວຈາກຕ່າງປະເທດໄດ້ເຂົ້າຊື້ທີ່ພັກໄປແລ້ວ 6 ອາຄານ ສ່ວນອີກໜຶ່ງອາຄານມີນັກລົງທຶນໄດ້ຊື້ທັງຕຶກເພື່ອປັບປຸງເປັນໂຮງແຮມຫ້າດາວ

ໂດຍບັນດາຜູ້ທີ່ຈອງຊື້ໄດ້ເລີ່ມເຂົ້າໄປຢູ່ແລ່ວຕັ້ງແຕ່ປີ 2016 ສ່ວນອີກ 5 ອາຄານທີ່ເຫຼືອ ຄາດວ່າຈະສ້າງສຳເລັດພາຍໃນເດືອນ ມິຖຸນາ 2017 ທີ່ຈະຮອດນີ້

ການລົງທຶນກໍ່ສ້າງອາຄານທີ່ພັກອາໃສດັ່ງກ່າວມາຈາກກຸ່ມບໍລິສັດ ເຫວິນ ເຟິນ ຊຽງໄຮ້ ຈຳກັດ ດ້ວຍງົບປະມານການລົງທຶນ 200 ລ້ານໂດລາ ເຊິ່ງໄດ້ເລີ່ມສ້າງຕັ້ງແຕ່ປາຍປີ 2012 ພ້ອມສິ່ງອຳນວຍຄວາມສະດວກຕ່າງໆໃນພື້ນທີ່ດິນສຳປະທານກວ່າ 365 ເຮັກຕ້າ.

ແຫລ່ງຂ່າວຈາກ: www.khaosod.co.th/around-the-world-news/news_275768