ເມື່ອວັນທີ 23 ມີນາ 2017 ສຳນັກຂ່າວຕ່າງປະເທດລາຍງານຈາກເມືອງ ຈິນໂດ ປະເທດ ເກົາຫຼີໃຕ້ ວ່າ ຈາກເຫດ ການເຮືອ ເຟີຣຣີ “ເຊວອລ” ຫຼົ່ມຢູ່ນອກຊາຍຝັ່ງເກາະຈິນໂດເມືອວັນທີ 16 ເມສາ 2014 ທີ່ຜ່ານມາ ເປັນເຫດເຮັດໃຫ້ມີຜູ້ໂດຍສານຈຳນວນເປັນຈຳນວນຫຼາຍເສຍຊີວິດ ໃນການຄົ້ນຫາເບື້ອງຕົ້ນໃນຕອນເກີດເຫດພົບສົບຜູ້ເສຍຊີວິດ 295 ສົບ ແລະ ສູນຫາຍ 9 ຄົນ ລວມຜູ້ເສຍຊີວິດທັງໝົດ 304 ຄົນ ເຊິ່ງທຸກຝ່າຍເຊື່ອວ່າຮ່າງຂອງຜູ້ເສຍຊີວິດຍັງຕິດຢູ່ພາຍໃນເຮືອນັ້ນ. ເຊິ່ງຜູ້ເສຍຊີວິດສ່ວນໃຫຍ່ເປັນນັກຮຽນລະດັບຊັ້ນມັດທະຍົມສຶກສາຂອງໂຮງ ຮຽນແຫ່ງໜຶ່ງໃນຊານນະຄອນຫຼວງ ໂຊລ.
ປະຕິບັດການໃຫຍ່ໃນການກູ້ຊາກເຮືອ ເຟີຣີເຊວອລ ລຳນີ້ ໄດ້ໃຊ້ຄົນງານປະມານ 450 ຄົນ ສຳລັບການກູ້ຊາກເຮືອທີ່ມີນ້ຳໜັກເຖິງ 8,250 ໂຕນ ຄາດວ່າຈະໃຊ້ເວລາປະມານ 12-13 ມື້ ຈິ່ງຈະຍົກເຮືອຂຶ້ນມາໄດ້ທັງໝົດແລ້ວເຄື່ອງຍ້າຍໄປທີ່ເມືອງ ມັອກໂປ ແຂວງ ຊອລລາໃຕ້ ເຊິ່ງພາກສ່ວນຮັບຜິດຊອບກູ້ເຮືອລຳດັ່ງກ່າວແມ່ນບໍລິສັດລາຍໜຶ່ງຈາກຈີນເຊິ່ງໄດ້ຮັບສຳປະທານຈາກລັດຖະບານເກົາຫຼີໃຕ້