ສຳນັກຂ່າວພີເພິລເດລີ່ໄຊນ່າ ລາຍງານເມື່ອວັນທີ 22 ມີນາ 2017 ຜ່ານມາວ່າມົນທົນກຸ້ຍໂຈວ ທາງພາກຕາເວັນຕົກສ່ຽງໃຕ້ຂອງປະເທດຈີນ ວາງແຜນທີ່ຈະໃຊ້ງົບປະມານ 5 ພັນລ້ານຢວນ ( 725 ລ້ານດອນລາສະຫະລັດ) ໃນການສ້າງຣີສອດ ທີ່ຕັ້ງຢູ່ໃກ້ກັບກ້ອງໂທລະທັດວິທະຍຸຸທີ່ໃຫຍ່ທີ່ສຸດໃນໂລກ ເພື່ອຮອງຮັບນັກທ່ອງທ່ຽວ, ຫຼັງຈາກທີ່ລັດຖະບານມີໂຄງການ ປັບກ້ອໂທລະທັດວິທະຍຸດັ່ງກ່າວ ໃຫ້ກາຍເປັນສູນການຮຽນຮູ້ດ້ານດາຣາສາດ ແລະການເຮັດວຽກຂອງກ້ອງວິທະຍຸໂທລະທັດ
ກ້ອງໂທລະທັດວິທະຍຸຂະໜາດໃຫຍ່ທີ່ສຸດໃນໂລກ ມີຂະໜາດເສັ້ນຜ່ານສູນກາງ 500 ແມັດ, ຕັ້ງຢູ່ໃນພື້ນທີ່ Da Wo Dang ເຊິ່ງເປັນພື້ນທີ່ທຸກຍາກ ແລະດ້ວຍຄວາມສົນໃຈຈາກປະຊາຊົນຈຳນວນຫຼາຍ ເຮັດໃຫ້ເຈົ້າໜ້າທີ່ຈຳກັດຜູ້ເຂົ້າເບິ່ງຈຳນວນ 2 ພັນຄົນ/ວັນ, ແຕ່ບໍ່ອະນຸຍາດໃຫ້ເອົາໂທລະສັບມືຖື, ອຸປະກອນເອເລັກໂຕຣນິກ, ກ້ອງຖ່າຍຮູບ ເຂົ້າພາຍໃນບໍລິເວນ ລວມເຖິງຈະຕັດສັນຍານໂທລະສັບມືຖື ໃນໄລຍະລັດສະໝີ 5 ກິໂລແມັດອີກດ້ວຍ
ແນວໃດກໍຕາມ ການສ້າງຣີສອດ ດ້ານດາຣາສາດ ແລະທໍລະນີວິທະຍາ ຈະນຳມາເຊິ່ງຄວາມຈະເລີນທາງເສດຖະກິດໃຫ້ກັບເຂດ Pingtang ແລະພື້ນທີ່ອ້ອມຂ້າງໄດ້