ທຸກວັນນີ້ ຮ່າງກາຍຂອງເຮົາບໍ່ສາມາດຫຼີກລຽງສານພິດ ທີ່ເປັນອັນຕະລາຍຕໍ່ສຸຂະພາບຂອງເຮົາໄດ້, ສານພິດເຫຼົ່ານີ້ ເປັນສາເຫດເຮັດໃຫ້ເກີດພະຍາດຕ່າງໆເຊັ່ນ: ເປັນຫວັດ, ການຕິດເຊື້ອ ແລະອິດເມື່ອຍຕາມຕົນໂຕ ແລະເມື່ອຮ່າງກາຍເຮົາມີສານພິດ ເຊື້ອແບັກທີເລຍ ແລະເຊື້ອພະຍາດ ກໍຈະສາມາດເຂົ້າສູ່ຮ່າງກາຍເຮົາໄດ້ງ່າຍ
ເຄື່ອງດື່ມທີ່ຈະນຳສະເໜີນີ້ ສາມາດເຮັດໄດ້ງ່າຍ ແລະໄວ ເຊິ່ງຊ່ວຍກຳຈັດສານພິດອອກຈາກຮ່າງກາຍຂອງທ່ານ, ເມື່ອທ່ານເລີ່ມດື່ມ ທ່ານຈະສັງເກດເຫັນວ່າ ຮ່າງກາຍຮູ້ສຶກສົດຊື່ນ, ເບົາຕົນເບົາຕົວ, ພະລັງງານໃນຮ່າງກາຍເພີ່ມຂຶ້ນ
ສ່ວນປະສົມ:
- ໝາກນາວ 1 ໜ່ວຍ
- ນໍ້າ 1 ຖ້ວຍ
- ຂີງສົດ 1 ຫົວ
- ແອັບເປິ່ນຂຽວ 4 ໜ່ວຍ
ເມື່ອທ່ານໄດ້ສ່ວນປະສົມທັງໝົດແລ້ວ ຕ້ອງປອກເປືອກແອັບເປິ່ນ ແລະປາດເປັນປ່ຽງເອົາແກ່ນອອກໃຫ້ໝົດ, ຂີງກໍລ້າງໃຫ້ສະອາດ ແລ້ວຊອຍເປັນຕ່ອນ ເພື່ອເວລາປັ່ນຈະປັ່ນສະດວກຂຶ້ນ, ຈາກນັ້ນເອົາແອັບເປິ່ນ, ເອົາຂີງທີ່ຊອຍໄວ້ນັ້ນລົງໃສ່ເຄື່ອງປັ່ນໝາກໄມ້ ແລ້ວເອົານໍ້າ ທີ່ເຮົາກຽມໄວ້ນັ້ນລົງໄປ, ບີບນໍ້າໝາກນາວລົງ, ຈາກນັ້ນກໍປັ່ນສ່ວນປະສົມທັງໝົດໃຫ້ເຂົ້າກັນດີແລ້ວ ກໍສາມາດຖອກໃສ່ຈອກພ້ອມດື່່ມໄດ້
ຢ່າລືມວ່າ ສ່ວນປະສົມທີ່ເວົ້າມານັ້ນ ຕ້ອງປອດສານພິດ ເພື່ອປະໂຫຍດຕໍ່ສຸຂະພາບຫຼາຍທີ່ສຸດ ແລະຄວນດື່ມກ່ອນອາຫານເຊົ້າໃນຂະນະທີ່ທ້ອງວ່າງ ຈະໄດ້ຜົນດີທີ່ສຸດ