ເມື່ອວັນທີ 21 ມີນາ ບີບີຊີລາຍງານວ່າ ທາງການສະຫະລັດອາເມລິກາອອກຄຳສັ່ງຫ້າມຜູ້ໂດຍສານຈາກ 8 ປະເທດໃນຕະເວັນອອກາງ ແລະ ແອຟຣິກາເໜືອ ນຳອຸປະກອນອິເລັກໂທຣນິກຕິດຕົວຂຶ້ນເຮືອບິນໃນອາເມລິກາເດັດຂາດ
ອຸປະກອນອິເລັກໂທຣນິກດັ່ງກ່າວປະກອບມີ ແລັບເລັດ, ແລັບທັອບ, ໄອແພັດ, ກ້ອງຖ່າຍຮູບ, ເຄື່ອງຫຼິ້ນດີວີດີ, ເຄື່ອງຫຼິ້ນເກມອິເລັກໂທຣນິກ ສ່ວນໂທລະສັບ ແລະ ສະມາດໂຟນຍັງຄົງໄດ້ຮັບອະນຸຍາດໃຫ້ຖືຂຶ້ນເຄື່ອງໄດ້.
ແຫລ່ງຂ່າວຈາກລັດຖະບານສະຫະລັດລະບຸວ່າ ມາດຕະການທີ່ອອກມານີ້ຈະສົ່ງຜົນກັບສາຍການບິນ 9 ແຫ່ງທີ່ບິນຕົງມາທີ່ສະໜາມບິນຂອງສະຫະລັດ 10 ແຫ່ງ ເຖິງແມ່ນວ່າຊື່ 8 ປະເທດໃນພູມິພາກດັ່ງກ່າວບໍ່ທັນໄດ້ມີການປະ ກາດອອກມາຢ່າງເປັນທາງການຈາກກະຊວງຄວາມໝັ້ນຄົງແຫ່ງພາກພື້ນທີ່ອອກມາປະຕິເສດຂໍ້ຄິດເຫັນ ແຕ່ມີຄວາມເປັນໄປໄດ້ວ່າສາຍການບິນຈາກປະເທດ ຈໍແດນ, ອີຢິບ, ຊາອຸດິອາຣະເບຍ, ສະຫະລັດອາຫຼັບອາມິເຣດ, ເອທິ ໂອເປຍ, ຄູເວດ, ໂຕໂກ ແລະ ໄນຈີເຣຍ ທີ່ມີທ້ຽວບິນໂດຍກົງສູ່ສະຫະລັດອາເມລິກາອາດໄດ້ຮັບຜົນກະທົບ.
ເນື່ອງຈາກເມື່ອເດືອນ ກຸມພາທີ່ຜ່ານມາ ມີເຫດການບໍ່ຄາດຄິດເກີດຂຶ້ນຫຼັງຈາກສາຍການບິນ ດາອັລໂລ ຈາກດູໄບ ເກີດລະເບີດຂຶ້ນໃນຫ້ອງຜູ້ໂດຍສານເຮືອບິນທີ່ກຳລັງຂຶ້ນສູ່ທ້ອງຟ້າໄດ້ບໍ່ດົນຈາກນະຄອນຫຼວງ ໂມກາດິຊູ ຂອງປະເທດໂຊມາເລຍ