ສຳນັກຂ່າວເອເອຟພີລາຍງານເມື່ອວັນທີ 19 ມີນາ 2017 ຜ່ານມາວ່າ ລັດຖະບານສະຫະລັດ ຕ້ອງການສ້າງກຳແພງກັ້ນເຂດແດນສະຫະລັດ-ເມັກຊີໂກ ດ້ວຍຄວາມູງ 30 ຟຸດ ຫຼືປະມານ 9 ແມັດ ເພື່ອປ້ອງກັນການປີນຂ້າມ, ຕາມການເປີດເຜີຍ ເອກະສານໃນເວັບໄຊຕ໌ ຂອງລັດຖະບານທີ່ປະທານາທິບໍດີ ໂດນັລ ທຣັມ ສັນຍາວ່າຈະສ້າງ “ກຳແພງຂະໜາດໃຫຍ່ ແລະງາມ” ຕາມຊາຍແດນເມັກຊີໂກ

ເອກະສານທີ່ເຜີຍແຜ່ຕໍ່ສາທາລະນະເມື່ອຄືນວັນສຸກຜ່ານມາ ຂອງສຳນັກງານສຸນກາກອນ ແລະປົກປ້ອງເຂດແດນ (ຊີບີພີ) ສັງກັດກະຊວງຄວາມໝັ້ນຄົງແຫ່ງມາຕຸພູມສະຫະລັດ ທີ່ເປັນຜູ້ດູແລໂຄງການ ລາດຕະເວນ ແລະຮັກສາກຳແພງກັ້ນຊາຍແດນສະຫະລັດ-ເມັກຊີໂກ ໂດຍຂໍ້ສະເໜີຈະຖືກສົ່ງໃຫ້ລັດຖະບານໃນວັນທີ 29 ມີນາ 2017 ນີ

ທັງນີ້ ລັດຖະບານຍັງບໍ່ໄດ້ບອກວ່າຈະສ້າງກຳແພງກັ້ນຊາຍແດນບ່ອນໃດ ພຽງແຕ່ບອກວ່າບາງສ່ວນຈະສ້າງແທນບ່ອນກັ້ນ ທີ່ມີຢູ່ໃນປັດຈຸບັນ ເຊິ່ງມີໄລຍະທາງປະມານ 700 ໄມລ໌ ຫຼື ປະມານ 1126 ກິໂລແມັດ ຈາກໄລຍະເຂດແດນຮ່ວມກັນທັງໝົດປະມານ 2,000 ໄມລ໌ ຫຼືປະມານ 3218 ກິໂລແມັດ