ມື້ນີ້ແອັດມິນຈະມາເອົາໃຈຄົນທີ່ກຳລັງຊອກຫາທຶນຮຽນຕໍ່ຕ່າງປະເທດແບບຟຣີໆ ດ້ວຍການມາແນະນຳ 4 ສຸດຍອດເວັບໄຊ໌ຫາທຶນຮຽນເມືອງນອກ ເຊິ່ງຈະມີເວັບໄຊໃດແນ່ນັ້ນ ເຮົາມາຮູ້ຈັກນຳກັນເລີຍ
ເວັບໄຊທີ 1 www.chegg.com
ເປັນເວັບໄຊທີ່ຫາກໍ່ເກີດຂຶ້ນໃໝ່ສຳລັບການຫາທຶນ ເຖິງຈະມີແຫລ່ງທຶນບໍ່ຫຼາຍ ແຕ່ມູນຄ່າທຶນການສຶກສາທີ່ລວມເອົາກໍ່ສູງເຖິງ 1,000 ລ້ານຫຼຽນ ໄວ້ໃຫ້ນັກສຶກສາຈາກທົ່ວໂລກໄດ້ມາສະໝັກສະມາຊິກຄົ້ນຫາທຶນກັນແບບຟຣີໆ ນອກຈາກນີ້ກໍ່ມີອີກໜຶ່ງສິ່ງທີ່ໜ້າສົນໃຈຄືເວັບໄຊນີ້ເກີດຂຶ້ນຈາກການສ້າງຂອງນັກສຶກສາວິທະຍາໄລ ເຊິ່ງໜ້າຈະເຂົ້າໃຈສິ່ງທີ່ນັກສຶກສາກຳລັງຕາມຫາໄດ້ເປັນຢ່າງດີ
ເວັບໄຊທີ 2 ScholarshipExperts.com
ເວັບໄຊເກົ່າແກ່ທີ່ສ້າງຂຶ້ນມາຕັ້ງແຕ່ປີ 2000 ໂດຍກຸ່ມຄອບຄົວຄູ ອາຈານ ແລະ ນັກສຶກສາ ຊ່ວຍກັນສ້າງຫວັງໃຫ້ເປັນແຫຼ່ງຂໍ້ມູນຂ່າວສານດ້ານທຶນການສຶກສາ ແຕ່ການເຂົ້າເຖິງຂໍ້ມູນຕ້ອງສະໝັກເຂົ້າເປັນສະມາຊິກກ່ອນ ເຊິ່ງມີຂໍ້ດີບ່ອນທີ່ເຮົາສາມາດສະໝັກຫຼາຍໆທຶນໄດ້ຈາກເວັບໄຊນີ້ໂດຍກົງ
ເວັບໄຊທີ 3 Peterson’s college scholarship search
ບໍລິສັດ ກໍ່ຕັ້ງຂຶ້ນໃນປີ 1960 ເພື່ອໃຫ້ຂໍ້ມູນກ່ຽວກັບການເສັງ ການຮຽນຕໍ່ ການຄົ້ນຫາມະຫາວິທະຍາໄລ ຮວມເຖິງສາຂາອາຊີບໃນອານາຄົດ ແລະ ມີທຶນການສຶກສາຫຼາຍກວ່າ 5,000 ທຶນ ໃນເວັບໄຊນີ້ອີກດ້ວຍ ນອກຈາກການໃຊ້ງານທີ່ບໍ່ຫຍຸ້ງຍາກຫຼາຍ ລວມໄປເຖິງບໍ່ຈຳເປັນຕ້ອງສະໝັກເຂົ້າເປັນສະມາຊິກກ່ອນ ກໍ່ສາມາດອ່ານເນື້ອຫາໃນເວັບໄຊໄດ້
ເວັບໄຊທີ 4 FindTuition.com
ເວັບໄຊ້ນີ້ປະກາດວ່າມີທຶນຫຼາຍກວ່າ 1,700,000 ທຶນ ລວມມູນຄ່າທຶນສູງເຖິງ 7,000 ລ້ານຫຼຽນ ລໍຄອຍໃຫ້ນັກສຶກສາເຂົ້າມາຄົ້ນຫາທຶນ ແລະ ສະໝັກເຂົ້າຮັບທຶນ ໂດຍຖ້າໃຜສະໝັກສະມາຊິກກໍ່ສາມາດໃຊ້ລະບົບການຈັບຄູ່ເຮົາກັບທຶນການສຶກສາທີ່ຕ້ອງການໄດ້ ເຊິ່ງລວມໄປເຖິງການຂໍເງິນຊ່ວຍເຫຼືອ ແລະ ການກູ້ຢືມເງິນຮຽນອີກດ້ວຍ
ເວັບໄຊທີ 5 ScholarShip.in.th
ສຳລັບຄົນທີ່ບໍ່ແຂງແຮງດ້ານການໃຊ້ພາສາອັງກິດ ແອັດມິນຂໍແນະນຳເວັບໄຊນີ້ເລີຍ ເຊິ່ງເປັນເວັບໄຊຫາທຶນຮຽນຕໍ່ທີ່ໃຫຍ່ທີ່ສຸດໃນປະເທດໄທ ໂດຍລວມທຶນການສຶກສາໄວ້ຫຼາຍກວ່າ 2,000 ທຶນ ເຊິ່ງມາຈາກຫຼາຍປະເທດທົ່ວໂລກ ໃນທຸກລະດັບການສຶກສາ ນອກຈາກນີ້ຍັງໃຊ້ງານຄ່ອນຂ້າງງ່າຍ ແລະ ອັບເດດຂ່າວທຶນໄດ້ໄວທັນໃຈອີກດ້ວຍ
ທັງໝົດ 5 ເວັບໄຊ ທີ່ແນະນຳໄປຂ້າງເທິງນີ້ຫວັງວ່າຈະຊ່ວຍຕອບໂຈດໃນການຊອກຫາທຶນຂອງບັນດາທ່ານ ລອງເຂົ້າໄປສຶກສາເບິ່ງ ເພື່ອທ່ານຈະໄດ້ພົບກັບທຶນຮຽນທີ່ເຂົ້າກັບເປົ້າໝາຍຂອງທ່ານ.
ແຫລ່ງຂໍ້ມູນຈາກ: www.wegointer.com