ການແປຣປວນຂອງສະພາບອາກາດ ແລະ ອຸນຫະພູມຂອງນ້ຳທະເລໃນພາກພື້ນປາຊີຟິກຕອນໃຕ້ ກໍ່ໃຫ້ເກີດນ້ຳຖ້ວມກະທັນຫັນ ແລະ ດິນຖະລົ່ມຄັ້ງຮຸນແຮງທີ່ສຸດໃນຮອບຫຼາຍສິບປີທີ່ເປຣູ ສົ່ງຜົນໃຫ້ມີຜູ້ເສຍຊີວິດແລ້ວ 67 ຄົນ

ສຳນັກຂ່າວຕ່າງປະເທດລາຍງານຈາກນະຄອນຫຼວງ ລິມາ ປະເທດເປຣູ ເມື່ອວັນທີ 17 ມີນາ 2017 ວ່າ ປະທານາທິ ບໍດີ ເປໂດຣ ປາໂບລ ຄຸກຊິນສກີ ຜູ້ນຳເປຣູ ລົງນາມອະນຸມັດງົບປະມານສຸກເສີນ 2,500 ລ້ານໂຊລ ເພື່ອເລັ່ງບັນ ເທົາວິກິດອຸທົກກະໄພ “ແບບກະທັນຫັນ” ມີລາຍງານຜູ້ເສຍຊີວິດຢ່າງໜ້ອຍ 67 ຄົນ ແລະ ປະຊາຊົນກວ່າ 70,000 ຄົນ ຕ້ອງອົບພະຍົບອອກຈາກບ້ານເຮືອນ ອາຄານ ແລະ ສິ່ງປຸກສ້າງກວ່າ 115,000 ແຫ່ງທີ່ໄດ້ຮັບຄວາມເສຍ ຫາຍ ແລະ ຂົວຢ່າງໜ້ອຍ 117 ແຫ່ງພັງເສຍຫາຍຍ້ອນກະແສນ້ຳພັດຜ່ານຢ່າງແຮງ ໂດຍພື້ນທີ່ທີ່ປະສົບໄພຮ້າຍ ແຮງທີ່ສຸດຢູ່ໃນພາກເໜືອ ລຸ່ມລົງມາຈົນຮອດນະຄອນຫຼວງ ລິມາ ເຊິ່ງຢູ່ແຄມຝັ່ງທາງຕະເວັນຕົກຕອນກາງຂອງປະເທດ