ສະໝຸນໄພມີປະໂຫຍດຫຼາຍຢ່າງກັບຮ່າງກາຍຂອງຄົນເຮົາ ແຕ່ລະຊະນິດກໍແກ້ອາການເຈັບປ່ວຍແຕກຕ່າງກັນໄປ, ມື້ນີ້ ລາວໂພສຕ໌ຈະມາແນະນຳ ສູດເຮັດນໍ້າສະໝຸນໄພທຳມະຊາດ ທີ່ຊ່ວຍແກ້ອາການເຈັບປວດຕາມຂໍ້ຕ່າງໆຂອງຮ່າງກາຍ

ສ່ວນປະສົມ: ໃນປະລິມານນໍ້າສະໝຸນໄພ 100% ປະກອບມີ:

• ນໍ້າ 40%
• ໝາກນາວ 5%
• ໃບຢານາງ 50%
• ໝາກນັດ 5%

ວິທີເຮັດ:

ເອົາໃບຢານາງ ກັບນໍ້າ ປັ່ນນຳກັນ ຈາກນັ້ນຕອງເອົາແຕ່ນໍ້າຢານາງ, ປັ່ນໝາກນັດ ແລ້ວຕອງເອົາແຕ່ນໍ້າ, ເອົານໍ້າຢານາງ ແລະນໍ້າໝາກນັດມາປະສົມກັນ, ຫຼັງຈາກນັ້ນເອົານໍ້າໝາກນາວລົງໄປ ແລ້ວຄົນສ່ວນປະສົມທັງໝົດເຂົ້າກັນ ແລ້ວສາມາດດື່ມໄດ້ທັນທີ ຫຼືແຊ່ເຢັນໄວ້ກິນ ສາມາດແຊ່ເຢັນປະໄວ້ໄດ້ດົນເຖິງ 15 ວັນ, ຄວນດື່ມວັນລະ 2 ຄັ້ງ, ຄັ້ງລະ 30 ຊີຊີ ປະສົມນໍ້າ 1 ຈອກ ກ່ອນກິນອາຫານ

ກຸ່ມຄົນທີ່ຄວນດື່ມ: ເຈັບປວດຕາມຂໍ້ຕ່າງໆ, ເປັນໄຂ້, ເນື້ອງອກໃນເຕົ້ານົມ, ໄຂມັນເລືອດສູງ, ມີບາດແຜໃນກະເພາະ, ໄມເກຣນ, ສິວ, ຝ້າ, ລິດສີດວງທະວານ, ຕັບແຂງ, ມະເຮັງຕ່າງໆ, ເລືອດຈາງ, ຄວາມດັນເລືອດສູງ ຫຼືຕໍ່າເກີນໄປ, ເຫືອກອັກເສບ, ໂຣກຫົວໃຈ, ກົດໄຫຼກັບ