ຄົງຈະບໍ່ມີໃຜປະຕິເສດໄດ້ວ່າ ເພດສຳພັນ ເປັນກິດຈະກຳທີ່ເມື່ອຮອດຊ່ວງເວລາໜຶ່ງຂອງຊີວິີດເກືອບທຸກຄົນຕ້ອງໄດ້ມີປະສົບການນີ້ ການມີເພດສຳພັນມີທັງຂໍ້ດີ ແລະ ຂໍ້ເສຍ ຂຶ້ນຢູ່ກັບພຶດຕິກຳການເສບເຊັກສ໌ ທີ່ແຕກຕ່າງກັນອອກໄປ ແຕ່ມື້ນີ້ແອັດຈະມາບອກເລົ່າເຖິງ 5 ເຫດຜົນດີທີ່ວ່າເປັນຫຍັງທ່ານຕ້ອງມີເພດສຳພັນທຸກມື້ ຖ້າຢາກຮູ້ແລ້ວວ່າມັນດີແນວໃດເຮົາກໍ່ມາອ່ານໄປພ້ອມກັນເລີຍ
- ຕື່ນເຊົ້າມາມີເພດສຳພັນກັນກ່ອນອອກໄປທຳງານ ຫຼື ປະຕິບັດເຮັດກິດຈະກຳອື່ນໆໃນການດຳລົງຊີວິດ ຈະເຮັດໃຫ້ທ່ານສະໝອງປອດໂປ່ງ, ອາລົມດີ, ຄິດງານໄດ້ດີ ຊ່ວຍສົ່ງຜົນໃຫ້ທ່ານມີຄວາມໝັ້ນໃຈໃນງານເຮັດວຽກ ແລະ ນຳສະເໜີໄອເດຍໃໝ່ໆໄດ້ດີ
- ເຮັດໃຫ້ເບິ່ງນານເຖົ້າ ເຖິງຈະມີເຊັກສ໌ທຸກມື້ ແຕ່ຢູ່ໃນລະດັບທີ່ພໍດີ ອາດຈະເປັນມື້ລະ 1-2 ເທື່ອ ບໍ່ເຮັດຮຸນແຮງ ຫຼື ຈັດໜັກຈົນເກີນໄປ ກໍ່ຈະຊ່ວຍໃຫ້ຜິວພັນເບິ່ງມີຊີວິດຊີວາຂຶ້ນໄດ້
- ຊ່ວຍໃຫ້ນອນຫຼັບງ່າຍຂຶ້ນ ການມີເຊັກສ໌ ແຕ່ລະເທ່ອຈະຊ່ວຍຫຼັ່ງຮໍໂມນ oxytocin ແລະ prolactin อອອກມາ ເຊິ່ງຮໍໂມນ 2 ຊະນິດນີ້ຈະຊ່ວຍເຮັດໃຫ້ທ່ານຮູ້ສຶກຜ່ອນຄາຍ
- ຟື້ນຟູສະພາບຈິດໃຈທີ່ເສົ້າໝອງ ການມີເຊັກສ໌ແມ່ນຈະຊ່ວຍຫຼັ່ງຮໍໂມນຫຼາຍຊະນິດອອກມາ ລວມທັງຮໍໂມນແຫ່ງຄວາມສຸກ ເຖິງແມ່ນວ່າທ່ານຈະຢູ່ໃນພາວະຊຶມເສົ້າ, ຕຶງຄຽດພຽງໃດກໍ່ຕາມ ແຕ່ຫຼັງຈາກມີເພດສຳພັນແລ້ວທ່ານຈະຮູ້ສຶກສົດຊື່ນຂຶ້ນ
- ບັນລຸຄວາມຕ້ອງການທາງເພດ ແລະ ຫ່າງໄກມະເຮັງ ການຫລັ່ງອະສຸຈິອອກມາເລື່ອຍໆ ກໍ່ຄືກັບການເຮັດຄວາມສະອາດທໍ່ຂອງທ່ານເອງ ເຊິ່ງຜູ້ຊາຍທີ່ຫຼັ່ງນ້ຳອະສຸຈິອອກຫຼາຍກວ່າເດືອນລະ 21 ເທື່ອ ມີໂອກາດສ່ຽງໃນການເປັນມະເຮັງຕ່ອມລູກໝາກໄດ້ໜ້ອຍກວ່າຜູ່ຊາຍທີ່ໄດ້ຫຼັ່ງນ້ຳອະສຸຈິ ພຽງ 4-7 ເທື່ອຕໍ່ເດືອນ
ແຫລ່ງຂໍ້ມູນຈາກ: http://men.sanook.com/17721/