ບັນເທີງຕ່າງແດນກັບລາວໂພສຕ໌ ມື້ນີ້ແອັດຈະມາອັບເດດຂ່າວມົງຄຸນຂອງຄນໃນວົງການ ຮໍລີວູ໊ດ ເມື່ອຫຼາຍສື່ສຳນັກຂ່າວວົງການບັນເທີງຕ່າງປະເທດ ໄດ້ອອກມາແຈ້ງຂ່າວທີ່ເປັນມົງຄຸນຂອງ “ແດນຽວ ແຣດຄລິບ” ເຮັດໃຫ້ສາວໆສາວົກຂອງພໍ່ມົດໃນຕຳນານ “ແຮຣີ່ ພ໊ອດເຕີ” ຕ້ອງອົກຫັກກັນເປັນແຖວ ເພາະເມື່ອບໍ່ດົນມານີ້ໄດ້ມີຂ່າວລືໜາຫູອອກມາວ່າ “ແດນຽວ ແຣດຄລິບ” ເຈົ້າຂອງບົດບາດພໍ່ມົດ “ແຮຣີ່ ພ໊ອດເຕີ້” ໄດ້ຂໍແຟນສາວ “ອິຣິນ ດາຣກ” ທີ່ຄົບກັນມາດົນເຖິງ 4 ປີ ແຕ່ງງານເປັນທີ່ຮຽບຮ້ອຍແລ້ວ

ເຖິງແມ່ນວ່າປັດຈຸບັນນີ້ຍັງບໍ່ທັນມີຕົວແທນຂອງທັງສອງຝ່າຍອອກມາໃຫ້ຄຳຢືນຢັນຢ່າງເປັນທາງການກໍ່ຕາມ ແຕ່ທາງຜູ້ຈັດການຂອງ “ແດນຽວ ແຣດຄລິບ” ໄດ້ອອກມາເປີດເຜີຍວ່າທັງຄູ່ໄດ້ຄວງກັນໄປຮ້ານຂາຍແຫວນແທ້ “ແຕ່ບໍ່ໄດ້ຊື້” ແຕ່ສື່ກໍ່ເຊື່ອວ່າທັງຄູ່ໄດ້ໝັ້ນໝາຍກັນໄປເປັນທີ່ຮຽບຮ້ອຍແລ້ວ

“ແດນຽວ ແຣດຄລິບ” ໄວອາຍຸ 27 ປີ ກັບ “ອິຣິນ ດາຣກ” ໄວອາຍຸ 28 ປີ ທັງຄູ່ໄດ່ພົບຮັກກັນທີ່ກອງຖ່າຍຮູບເງົາເລື່ອງ Kill Your Darlings ເມືອປີ 2012 ແລະ ກໍ່ໄດ້ຄົບຫາກັນແບບລັບໆ ໃຊ້ຊີວິດຮ່ວມກັນທີ່ ແມນຮັດຕັນ ຄືກັບຄູ່ຮັກທຳມະດາທົ່ວໄປຄູ່ໜຶ່ງ

ເອົາເປັນວ່າຂ່າວລືເລື່ອງນີ້ເຮົາກໍ່ຕິດາມກັນໄປຍາວໆ ແຕ່ຈັ່ງໃດແອັດກໍ່ຂໍສະແດງຄວາມຍິນດີກັບທັງຄູ່ ເຖິງຈະແອບຂັດໃຈເລັກໜ້ອຍກໍ່ຕາມ ( ແຮຣີ ພ໊ອດເຕີ ພໍ່ມົດຂອງແອັດ) ຖ້າຫາກມີການເຄື່ອນໄຫວແນວໃດກ່ຽວກັບຂ່າວນີ້ ດຽວແອັດຈະກັບມາອັບເດດໃຫ້ຮູ້ອີກຄັ້ງ