ການນອນເດິກມີອັນຕະລາຍຫຼາຍກວ່າທີ່ຄິດ ເຊິ່ງຂໍ້ເສຍຂອງການນອນເດິກມີຫຼາຍໆຂໍ້ ທ່ານເຄຍສັງເກດຕົວເອງບໍວ່າ ເປັນຫຍັງຊ່ວງນີ້ຄືໃຈຮ້າຍ, ມັກລືມ, ສະໝອງເຮັດວຽກຊ້າ ເຄີຍສົງໄສຕົວເອງຫຼືບໍ່, ຖ້າຫາກທ່ານເປັນແບບນີ້ລອງເຊັກຕົວເອງວ່າຊ່ວງນີ້ນອນເດິກ ຫຼືບໍ່, ເນື່ອງຈາກອາການເຫຼົ່ານີ້ ເປັນຜົນທີ່ມາຈາກການນອນເດິກ, ພັກຜ່ອນບໍ່ພຽງພໍ ເຊິ່ງການນອນເດິກນັ້ນມີອັນຕະລາຍຫຼາຍຢ່າງດັ່ງນີ້
- ອາລົມບໍ່ດີ ໃຜທີ່ນອນ 4-5 ຊົ່ວໂມງ/ຄືນ ເປັນເວລາ 7 ວັນຈະເຮັດໃຫ້ອາລົມບໍ່ດີປົນນຳ
- ສະໝອງຮັບຮູ້ໄດ້ຊ້າລົງ ເຖິງຂັ້ນບໍ່ຮຽນຮູ້ສິ່ງໃໝ່ໆ
- ເຈັບຫົວ, ຕົວຮ້ອນ, ບໍ່ສະບາຍ ເພາະເລືອດໄປລ້ຽງສະໝອງບໍ່ພຽງພໍ
- ນໍ້າໜັກຂຶ້ນ, ຕຸ້ຍໄດ້ ເພາະຄົນນອນເດິກມັກຫິວຕອນເດິກ ແລະກິນຕະຫຼອດເວລາ
- ເປັນພະຍາດຫົວໃຈໄດ້ງ່າຍ ເພາະມີອັດຕາການເຕັ້ນຂອງຫົວໃຈບໍ່ປົກກະຕິ
- ມີພູມຄຸ້ມກັນຕໍ່າລົງ ເຮັດໃຫ້ລະບົບການເຮັດວຽກຕ່າງໆຂອງຮ່າງກາຍບໍ່ຟື້ນຟູ
- ຮູ້ສຶກອິດເມື່ອຍ ແລະເຮັດຫຍັງຊ້າໄປໝົດ ເພາະຮ່າງກາຍຕອບສະໜອງຊ້າ
- ມີສາຍຕາມົວໆ ເພາະກ້າມເນື້ອຫົວໃຈບໍ່ໄດ້ຮັບການສ້ອມແຊມ
- ຕັດສິນໃຈສິ່ງຕ່າງໆຜິດ ຄວາມຄິດຕ່າງໆປະມວນຜົນຊ້າລົງກວ່າເກົ່າ ແລະເຮັດໃຫ້ຕັດສິນໃຈຜິດພາດ
- ບໍ່ມີສະມາທິໃນການເຮັດສິ່ງຕ່າງໆເຊັ່ນ: ການຂັບລົດ, ການຫຼິ້ນກິລາ, ການຮຽນ, ການເຮັດວຽກ
- ມີອາການບໍ່ສະບາຍງ່າຍ ເພາະພູມຕ້ານທານຕໍ່າລົງ ເຮັດໃຫ້ເປັນພະຍາດໄດ້ງ່າຍ
- ສະມັດຕະພາບທາງເພດເສື່ອມ ເຮັດໃຫ້ໂຮໂມນໃນຮ່າງກາຍຕໍ່າລົງ
- ມັກລືມ ເພາະເຊວປະສາດຈະໜາຂຶ້ນ ສະໝອງອາດເສື່ອມ ແລະກາຍເປັນພະຍາດອັນໄຊເມີໄດ້
- ອາຍຸສັ້ນ ເມື່ອເຮົານອນເດິກຮ່າງກາຍຈະອ່ອນເພຍລົງ ແລະເຮັດໃຫ້ຊີວິດສັ້ນລົງໄດ້
ເມື່ອເຮົາຮູ້ຂໍ້ເສຍຂອງການນອນເດິກແບບນີ້ແລ້ວ ກໍຕ້ອງຫັນມາຮັກສຸຂະພາບຮ່າງກາຍເຮົາໃຫ້ກັບມາເຂັ້ມແຂງ ດ້ວຍການນອນໄວ, ນອນພັກຜ່ອນໃຫ້ພຽງພໍ, ກິນອາຫານໃຫ້ຄົບ 5 ໝູ່ ພຽງເທົ່ານີ້ກໍເຮັດໃຫ້ປາສະຈາກອາການທັງໝົດນີ້ແລ້ວ