ຫຼາຍຄັ້ງທີ່ແອັດມິນເຄີຍໄດ້ຍິນແມ່ຖືພາມັກເວົ້າເຖິງນ້ຳໝາກພ້າວ ບາງຄົນກໍ່ວ່າ ໃນເວລາຖືພາກິນນ້ຳໝາກພ້າວແລ້ວລູກເກີດມາຈະຜິວຂາວ, ບາງຄົນກໍ່ວ່າໃນເວລາຖືພາບໍ່ຄວນກິນນ້ຳໝາກພ້າວ ເພາະຢ້ານລູກເປັນນັ້ນເປັນນີ້ ແອັດມິນເອງ ເມື່ອເວລາໄດ້ຍິນຄົນເວົ້າກັນແບບນີ້ກໍ່ເກີດຄວາມສົງໃສເລີຍໄປຫາຄຳຕອບມາອ່ານຈົນໄດ້

ໃນເວັບໄຊ women.thaiza.com ໄດ້ລະບຸໄວ້ວ່າ ຄວາມຈິງແລ້ວການດື່ມນ້ຳໝາກພ້າວນັ້ນເຮັດໃຫ້ໄຂທີ່ຕິດຕົວລູກລຸດອອກມາເປັນລັກສະນະສີຂາວໃສ ເລີຍອາດເຮັດໃຫ້ລູກທີ່ເກີດອອກມານັ້ນມີຜິວທີ່ສະອາດບໍ່ມີໄຂຕິດມານຳ

ນ້ຳໝາກພ້າວມີແຮ່ທາດ ແລະ ມີປະໂຫຍດກັບສຸຂະພາບຫຼາຍ ແຕ່ກໍ່ເປັນໝາກໄມ້ທີ່ມີນ້ຳຕານສູງ ແລະ ມີກຣົດໄຂມັນອີ່ມຕົວ ດັ່ງນັ້ນຄົນທີ່ຖືພາກໍ່ຄວນເອົາໃຈໃສ່ໃນການດື່ມນ້ຳໝາກພ້າວ ເພາະຖ້າຫາກດື່ມຫຼາຍຈະເຮັດໃຫ້ນ້ຳໜັກຕົວເພີ່ມຂຶ້ນ ຈົນເຖິງຂັ້ນຢູ່ໃນພາວະເປັນເບົາຫວານໃນຊ່ວງຖືພາໄດ້