ໃນຄໍລຳ ສຸຂະພາບ ມື້ນີ້ແອັດມີເລື່ອງກ່ຽວກັບກິ່ນໃນເວລາມີເພດສຳພັນມາຝາກ ເຊິ່ງກິ່ນທີ່ວ່ານີ້ ເປັນກິ່ນຂອງນ້ຳຫລໍ່ລື້ນເວລາມີເພດສຳພັນແລ້ວມີກິ່ນເໝັນອອກມາ ຫຼາຍຄົນທີ່ມີເພດສຳພັນອາດເຄີຍຮູ້ສຶກວ່າ ມີກິ່ນຕຸ!ຕຸ ໃນຂະນະມີເຊັກສ໌ ແລະ ອາດແປກໃຈວ່າເປັນຫຍັງນ້ຳຫຼໍ່ລື້ນຂອງແມ່ຍິງຈິ່ງມີກິ່ນກວນດັງ ເຊິ່ງກິ່ນນັ້ນມັນເກີດຈາກສາເຫດຫຍັງ ແລະ ຈະຮັກສາແນວໃດເຮົາມາຮູ້ຈັກໄປນຳກັນເລີຍ
ສາເຫດທີ່ເຮັດໃຫ້ນ້ຳຫຼໍ່ລື້ນມີກິ່ນແປກໆ ເກີດຂຶ້ນໄດ້ຈາກປັດໄຈ 3 ຢ່າງດັ່ງນີ້:
1. ແມ່ຍິງຄົນນັ້ນມັກກິນອາຫານທີ່ມີກິ່ນແຮງເປັນປະຈຳ ເຊັ່ນ: ອາຫານດອງ, ອາຫານທີ່ມີສ່ວນປະກອບຂອງກະທຽມ, ຜັກບົ່ວ, ສະຖິນ, ນ້ຳປາ, ສະອິວ, ປາແດກ, ກະປິ ປະເພດນີ້ເປັນຕົ້ນ
2. ຮໍໂມນທີ່ປ່ຽນໄປ ອາດເຮັດໃຫ້ເກີດກິ່ນແຮງຂຶ້ນເຊັ່ນ: ຢູ່ໃນຊ່ວງຖືພາ, ຊ່ວງໄຂ່ສຸກ, ຊ່ວງກ່ອນປະຈຳເດືອນມາ ຫຼື ຊ່ວງທີ່ມີຄວາມຕ້ອງການທາງເພດສູງ
3. ການອັກເສບຕິດເຊື້ອ ເຊື້ອໂຣກມັກຈະສ້າງກິ່ນເໝັນຫຼາຍກວ່າກິ່ນຫອມ ກິ່ນທີ່ປ່ຽນໄປຈາກການອັກເສບຕິດເຊື້ອສາມາດບອກຄວາມຮຸນແຮງຂອງການຕິດເຊື້ອໄດ້ດັ່ງນີ້
– ກິ່ນເໝັນອັບ ຄ້າຍຄືກິ່ນເໝັນເກີບ ສ່ວນຫຼາຍເປັນເຊື້ອແບດທີເຣຍທຳມະດາທີ່ເພີ່ມຈຳນວນ ເກີດຈາກການດແລຄວາມສະອາດບໍ່ທົ່ວເຖິງ ຫຼື ຄົນທີ່ເປັນໂຣກເບົາຫວານ
– ກິ່ນເຫມັນປ້ຽວ ຄ້າຍກິ່ນສົ້ມໆຄືນົມບູດ ສ່ວນຫຼາຍແມ່ນການຕິດເຊື້ອຣາ ມັກມີອາການຄັນຮ່ວມນຳ ສຳພັນກັບຄວາມອັບ
– ກິ່ນເໝັນເຄັມ ກິ່ນຄືກິ່ນນ້ຳປາ, ກະປິ ປະມານນີ້ ສ່ວນໃຫຍ່ແມ່ນແບດທີເຣຍຕົວຮ້າຍເພີ່ມຂຶ້ນ ຈາກສາເຫດແບດທີເຣຍຕົວດີປ່ອຍກຣົດອອກມາຄວບຄຸມແບບທີເຣຍຕົວຮ້າຍຫຼຸດລົງ ເຊິ່ງສຳພັນກັບການທີ່ທ່ານມີເພດສຳພັນກັບຫຼາຍຄົນ ພູມຕ້ານທານບໍ່ດີ ບໍ່ໄດ້ພັກຜ່ອນ ດື່ມນ້ຳໜ້ອຍ ອົດຢ່ຽວ
– ກິ່ນເໝັ່ນຄືກັບຖ່າຍທ້ອງປິດ ສ່ວນໃຫຍ່ເກີດຈາກເຊື້ອໂຣກປະພດບິດ ເຊິ່ງອາດຈະປົນເປື້ອນມາຈາກລຳໄສ້
– ກິ່ນເໝັນເນົ່າເປັນກິ່ນອັນຕະລາຍທີ່ສຸດ ເພາະສ່ວນໃຫຍ່ເປັນການຕິດເຊື້ອໂຣກທີ່ບໍ່ຕ້ອງການອົກຊີເຈນ ເຊິ່ງສ່ວນໜຶ່ງສຳພັນກັບເນື້ອງອກ ຫຼື ມະເຮັງພາຍໃນຊ່ອງຄອດ ປາກມົດລູກ ແລະ ໂພ່ງມົດລູກ
ວິທີຮັກສາ
- ດ້ານອາຫານຄວນຫຼຸດຜ່ອນການກິນອາຫານທີ່ມີກິ່ນແຮງ ຫຼື ມີສ່ວນປະກອບປະເພດກິ່ນແຮງໆ
- ໝັ່ນດື່ມນ້ຳຫຼາຍໆຕໍ່ມື້
- ຢ່າອົດປັດສະວະ
- ພັກຜ່ອນໃຫ້ພຽງພໍ ແລະ ໝັ່ນອອກກຳລັງກາຍເປັນປະຈຳ
- ຮັກສາອານາໄມຊ່ອງຄອດໃຫ້ສະອາດທຸກໆມື້
- ສະລິບທີ່ນຸ່ງກໍ່ໝັ່ນປ່ຽນຢ່ານຸ່ງຊ້ຳ ເພື່ອປ້ອງກັນການເຫມັນອັບ ຢັບຢັ້ງແບບທີເຣຍທີ່ຈະເກີດ
- ເວລາເປັນປະຈຳເດືອນຜ້າອານາໄມທີໃຊ້ກໍ່ຄວນປ່ຽນທຸກ 3-4 ຊົ່ວ/ຄັ້ງ ເພື່ອບໍ່ໃຫ້ເກີດຄວາມເໝັນອັບ ຢັບຢັ້ງແບບທີເຣຍທີ່ຈະເກີດ
- ກິນຢາສະໝຸນໄພທີ່ແມ່ຍິງກິນເພື່ອຄັບນ້ຳຄາວ ແລະ ເຮັດໃຫ້ກະຊັບລອງເບິ່ງ
- ຖ້າເຮັດທັງໝົດທີ່ກ່າວມາທັງ 7 ຂໍ້ແລ້ວຍັງບໍ່ດີ ແນະນຳໃຫ້ໄປປຶກສາແພດສະເພາະທາງ