ໜຸ່ມຫລໍ່ເຈົ້າສະເໜ່ Bobby Atsavin ຊື່ນີ້ທີ່ກຳລັງເປັນທີ່ກ່າວເຖິງໃນຕອນນີ້ຫລາຍໂດຍສະເພາະໄວໝຸ່ມລາວ ແລະ ຕອນນີ້ໄດ້ເຂົ້າໄປຢູ່ໃນໃຈທຸກຄົນແລ້ວ ດ້ວຍຄວາມສາມາດທີ່ຫຼາກຫຼາຍຈົນມັດໃຈທຸກຄົນໄວ້ໄດ້, ຈາກເລີ່ມຕົ້ນທີ່ທຸກຄົນໄດ້ເຫັນທາງຕົ້ນສັງກັດ KPY Entertainment ເລີ່ມໂປຣໂຫມດຫລາຍໆຄົນຕ່າງກໍ່ມີສຽງວິພາກວິຈານຕ່າງໆນາໆວ່າມີດີແຕ່ຄວາມຫຼໍ່, ຂາຍໜ້າຕາແນ່ນອນແບບນີ້. ແຕ່ເມຶ່ອ Single “ຂໍໂອກາດອີກຄັ້ງ” ຂອງ Bobby ໄດ້ປ່ອຍອອກມາທາງວິທະຍຸ ແລະ Youtube ທຸກຄົນກໍ່ໄດ້ສຳພັດກັບສະເຫນ່ ດ້ວຍນ້ຳສຽງສຸດເທ້ແບບມີເອກະລັກ ທັງຍັງມີສ່ວນຮ່ວມຂຽນເນຶ້ອ RAP ເອງອີກດ້ວຍ. ແຕ່ທີ່ເໜືອຈາກຄວາມສາມາດທາງດົນຕີ Bobby ກໍ່ຍັງມີທຸລະກິດທີ່ເຮັດຮ່ວມກັບໝູ່ອີກ ເຊິ່ງເປັນຮ້ານຂາຍເສຶ້ອຜ້າທີ່ສາມາດພິມລາຍເສຶ້ອໄດ້ທຸກແບບໂດຍໃສ່ຊຶ່ຮ້ານວ່າ “2Byoung” ແລ້ວຍັງມີກິດຈະກຳທີ່ມັກອີກຢ່າງກໍ່ຄືການຂີ່ລົດຈັກ BigBike ຈົນຕອນນີ້ກໍ່ໄດ້ເຂົ້າຮ່ວມສະມາຄົມຄົນຮັກລົດອີກດ້ວຍ ແລະຍັງມີກິລາທີ່ມັກຫຼິ້ນຄື ເຕະບານ ແລະ ຕີມວຍ ເພື່ອເປັນການອອກກຳລັງກາຍແຖມໄດ້ດູແລຫຸ່ນອີກດ້ວຍ.