ເອເອຟພີລາຍງານເມື່ອວັນທີ 7 ມີນາ 2017 ວ່າ ລັດຖະບານຈີນຮຽນຮ້ອງໃຫ້ທາງການມຽນມາກັບກອງກຳລັງຊົນກຸ່ມນ້ອຍໃນເຂດປົກຄອງຕົນເອງໂກກ້າງ ທາງພາກເໜືອຂອງລັດຊານ ຢຸດຕິການສູ່ຮົບທີ່ມີຜູ້ເສຍຊີວິດໄປແລ້ວ 30 ຄົນ ສ່ວນຊາວບ້ານໄດ້ອົບພະຍົບໜີຕາບຈາກເມືອງ ລວກໄກ ເມືອງເອກຂອງໂກກ້າງ ເຂົ້າໄປໃນຊາຍແດນຈີນແລ້ວກວ່າ 7,000 ຄົນ
ທ່ານ ເກິງ ສວງ ໂຄສົກກະຊວງການຕ່າງປະເທດຈີນກ່າວວ່າ “ຂໍໃຫ້ທຸກຝ່າຍຢຸດຍິງທັນທີ ແລະ ຟື້ນຟູລະບຽບໃນການຄວບຄຸມຊາຍແດນໂດຍດ່ວນທີ່ສຸດ”
ຄວາມຮຸນແຮງດັ່ງກ່າວນີ້ໄດ້ເກີດຂຶ້ນເມື່ອວັນທີ 6 ມີນາ ກໍ່ໃຫ້ເກີດຄວາມຕຶງຄຽດໃນເຂດປົກຄອງໂກກ້າງສູງສຸດນັບແຕ່ປີ 2015 ທີ່ມີຜູ້ເສຍຊີວິດເປັນຈຳນວນຫຼາຍ ແລະ ຊາວປະຊາຊົນຫຼາຍພັນຄົນອົບພະຍົບເຂົ້າຈີນ ຫຼັງຈາກເກີດການປະທະມາເປັນໄລຍະນັບຕັ້ງແຕ່ເດືອນພະຈິກ 2016
ດ້ານກອງທັບມຽນມາອອກຖະແຫຼງການວ່າ ໄດ້ໃຊ້ອາວຸດໜັກຂັບໄລາກະບົດກຸ່ມກອງທັບພັນທະມິດປະຊາທິປະໄຕແຫ່ງຊາດ ຫຼື MNDAA ອອກຈາກເມືອງລວກໄກໄດ້ແລ້ວ ມີທະຫານເສຍຊີວິດໃນການປະທະດັ່ງກ່າວ
https://youtu.be/t3t2qjOexJg