Homeຂ່າວເຫດການການຈັດເກັບລາຍຮັບ ໃນນະຄອນຫຼວງຫຼຸດຄາດໝາຍ

ການຈັດເກັບລາຍຮັບ ໃນນະຄອນຫຼວງຫຼຸດຄາດໝາຍ

Published on

ໃນວັນທີ 3 ມີນາ 2017 ຜ່ານມາ ທີ່ຫ້ອງວ່າການປົກຄອງນະຄອນຫຼວງວຽງຈັນ  ໄດ້ຈັດກອງ​ປະຊຸມ​ສະຫຼຸບ​ການ​ຈັດຕັ້ງ​ປະຕິບັດ​ແຜນ​ງົບປະມານ​ຂອງ ນວ ສົກ​ປີ 2015-2016 ແລະ ທິດ​ທາງ​ປີ 2017 ຂຶ້ນ ໃຫ້ກຽດເຂົ້າຮ່ວມໂດຍທ່ານ ສິນ​ລະວົງ ຄຸດ​ໄພທູນ ເຈົ້າ​ຄອງ ນວ,  ທ່ານ ອາດ​ສະພັງ​ທອງ ສີ​ພັນດອນ ຮອງ​ລັດຖະມົນຕີ​ກະຊວງການ​ເງິນ ພ້ອມ​ດ້ວຍ​ບັນດາ​ກົມ, ເມືອ,ງ ພະແນກການ ແລະພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ໃນກອງປະຊຸມສະຫຼຸບການຈັດຕັ້ງ​ປະຕິບັດ​ແຜນ​ງົບ​ປະມານ​ຂອງ ນວ ສົກ​ປີ 2015-2016 ແລະ ທິດ​ທາງ​ປີ 2017 ຄັ້ງນີ້ ທ່ານ ຄຳ​ພັນ ມາລາ​ບັນດິດ ຫົວໜ້າ​ພະແນກການ​ເງິນ ນວ ໄດ້​ກ່າວ​ວ່າ: ການ​ຈັດ​ເກັບ​ລາຍ​ຮັບ​ຕົວ​ຈິງ ສົກ​ປີ 2015-2016 ສາມາດ​ປະຕິ​ບັດ​ໄດ້ 1.214,58 ຕື້​ກີບ ເທົ່າກັບ 82,96% ຂອງ​ແຜນການ ໃນ​ນີ້ ສ່ວຍ​ສາ​ອາກອນ 851,38 ຕື້​ກີບ ​ເທົ່າ​ກັບ 81,08%, ຊັບ​ສິນຂອງ​ລັດ 86,75 ຕື້​ກີບ ເທົ່າ​ກັບ 157,72%, ການ​ເງິນ​ລັດ​ວິ​ສາ​ຫະກິດ 1,65 ຕື້​ກີບ ເທົ່າ​ກັບ 233,49%, ພາສີ​ດ່ານ​ທ້ອງຖິ່ນ ແລະ ປະເພນີ 7,22 ຕື້​ກີບ ເທົ່າກັບ 60,22%, ສະເພາະ​ລາຍຮັບ​ພູດ​ແບ່ງ 10% ຂອງ​ພາສີ ດ່ານ​ສາກົນ​ ປະຕິບັດ​ໄດ້ 276,53 ຕື້​ກີບ ເທົ່າ​ກັບ 77,25%, ລາຍຮັບ​ອື່ນໆ 52,81 ຕື້​ກີບ ຖ້າ​ແຍກສະເພາະ​ພູດ ນວ ຮັບຜິດຊອບ 1.055,72 ຕື້​ກີບ ປະຕິບັດ​ໄດ້ 939,78 ຕື້​ກີບ ເທົ່າ​ກັບ 89,01% ດ້ານ​ລາຍ​ຈ່າຍ 619,87 ຕື້​ກີບ ແລະ ໄດ້​ດັດແກ້ເປັນ 601,86 ຕື້​ກີບ ປະຕິບັດ​ໄດ້ 587 ຕື້​ກີບ ເທົ່າ​ກັບ 97,53% ຂອງ​ແຜນການ, ໃນ​ນີ້ ລາຍ​ຈ່າຍປົກກະຕິ 541,32 ຕື້​ກີບ ເທົ່າ​ກັບ 97,34%, ຈ່າຍ​ວິຊາ​ການ 45,68 ຕື້​ກີບ ເທົ່າ​ກັບ 99,85%, ດຸ່ນ​ດ່ຽງ​ໃຫ້​ສູນ​ກາງ 574,58 ຕື້ກີບ ເທົ່າ​ກັບ 66,64%

ໄລຍະ 3 ເດືອນ​ຂ້າມ​ຜ່ານ ນວ ໄດ້​ຮັບ​ຕົວເລກ 221,7 ຕື້​ກີບ ສາມາດ​ປະຕິ​ບັດ​ໄດ້​ຕົວ​ຈິງ 214,8 ຕື້​ກີບ ເທົ່າກັບ 96,89%, ດ້ານ​ລາຍ​ຈ່າຍ ປະຕິບັດ​ໄດ້ 99,38 ຕື້​ກີບ ເທົ່າກັບ 97,61%, ສຳລັບ​ປີ 2017 ນວ ໄດ້​ຮັບ​ແຜນ​ຈັດ​ເກັບ​ລາຍ​ຮັບ 1.100,71 ຕື້​ກີບ ສ່ວນ​ລາຍ​ຈ່າຍແມ່ນ 639,39 ຕື້​ກີບ.

ແຫຼ່ງຂ່າວ: ໜັງສືພິມ ວຽງຈັນໃໝ່

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...