ຄວາມຮັກ ກັບ ເຊັກສ໌ ມື້ນີ້ແອັດຈະມາພາທຸກຄົນມາຮູ້ຈັກກັບອຸປະສັກຫຼັກໆທີ່ເຮັດໃຫ້ເກມຮັກເທິງຕຽງຂອງຫຼາຍໆຄູ່ນັ້ນຕ້ອງສະດຸດກາງທາງ ເຊິ່ງຈະມີຫຍັງແນ່ນັ້ນ ເຮົາມາຮູ້ຈັກໄປພ້ອມກັນເລີຍ

1. ສຸຂະພາບຮ່າງກາຍຍັງບໍ່ພ້ອມ

ຢ່າລືມວ່າ ການອອກກຳລັງກາຍເທິງຕຽງທຸກຄັ້ງ ສຸຂະພາບຮ່າງກາຍຕ້ອງເປັນສິ່ງສຳຄັນ ຖ້າຮ່າງກາຍຢູ່ສະພາບທີ່ຍັງບໍ່ມີຄວາມພ້ອມເຊັ່ນ:​ ຫິວນອນ, ເມົາໜັກ ສ່ວນຫຼາຍຈະເຮັດໃຫ້ການຮ່ວມຮັກບໍ່ສຳເລັດພາລະກິດໄດ້ຢ່າງສົມບູນ ອາດເຮັດໃຫ້ຄູ່ນອນເກີດອາລົມເສຍໄດ້ ດັ່ງນັ້ນຖ້າຈະອອກຮົບເທິງຕຽງທຸກຄັ້ງສະພາບຮ່າງກາຍຂອງເຕັມທີ່ກ່ອນຈະດີທີ່ສຸດ

2. ສະພາບທາງຈິດໃຈ

ເລື່ອງສຳຄັນບໍໜ້ອຍໜ້າກັບສະພາບທາງຮ່າງກາຍກໍ່ຄືສະພາບທາງຈິດໃຈນັ້ນເອງ ບາງຄົນມີເລື່ອງຄວາມຄຽດ, ຄວາມກັງວົນໃຈ ຫຼື ບໍ່ສະບາຍ ອາດເຮັດໃຫ້ເກີດອາລົມງຸດງິດຫຼາຍກວ່າຊ້ຳ ສະນັ້ນ ກ່ອນຈະມີຫຍັງກັບຄົນຮັກຕ້ອງເບິ່ງອາລົມຂອງເຂົານຳ ຢ່າຝືນຖ້າຄູ່ຮັກບໍ່ມີອາລົມຮ່ວມ

3. ສິ່ງແວດລ້ອມທີ່ສົ່ງຜົນຕໍ່ປະສາດສຳພັດ

ສິ່ງແວດລ້ອມທີ່ເວົ້ານີ້ ນັບຕັ້ງແຕ່ສະຖານທີ່ທີ່ໃຊ້ຮ່ວມຮັກ ອາກເປັນຫ້ອງທີ່ແຄບໄປ, ມືດໄປ, ອາກາດບໍ່ລະບາຍດີ, ມີກິ່ນເໝັນ, ມີສຽງດັງລົບກວນ, ຮູ້ສຶກຮ້ອນເອົ້າ ສິ່ງເຫຼົ່ານີ້ກໍ່ຈະສົ່ງຜົນໃຫ້ທ່ານໝົດອາລົມໃນເວລາເຮັດໄດ້

4. ຄວາມຜິດພາດທາງເທັກນິກ

ປັດໄຈນີ້ເກີດຈາກບັນຫາສະເພາະໜ້າທີ່ທັງຄູ່ບໍ່ອາດຮູ້ລ່ວງໜ້າເຊັ່ນ: ຖົງຢາງອະນາໄມແຕກ, ຖົງຢາງຫຼຸດ, ການທົດລອງເຮັດທ່າໃໝ່ໆທີ່ບໍ່ລຶ້ງເຄີຍ ກາຍເປັນເຮັດໃຫ້ຮູ້ສຶກປວດເມື່ອຍ, ບາດເຈັບ

5. ຄວາມບໍ່ພ້ອມທາງດ້ານອະໄວຍະເພດ

ນ້ອງຊາຍບໍ່ຫ້າວ ຫຼື ນ້ອງສາວແຫ້ງບໍ່ພ້ອມທີ່ຈະໃຊ້ງານ ເຊິ່ງຄວາມບໍ່ພ້ອມນີ້ກໍ່ແຕກຕ່າງກັນອອກໄປ ດ້ານຝ່າຍຍິງອາດມີຜົນມາຈາກຄວາມຄຽດ, ຮໍໂມນປັ່ນປ່ວນ ຫຼື ດ້ານສຸຂະພາບ ສ່ວນຝ່າຍຊາຍອາດເກີດຈາກຄວາມຄຽດ, ພັກຜ່ອນບໍ່ພຽງພໍ, ກິນຢາບາງຢ່າງ ຮວມໄປເຖິງການເສື່ອມສະມັດທະພາບທາງເພດ