ເມື່ອວັນສຸກที 3 ມີນາ 2017 ທີ່ຜ່ານມາ ໜັງສືພິມທ້ອງຖິ່ນ Izvestia ໄດ້ລາຍງານຂ່າວວ່າ ນັກວິທະຍາສາດຊາວຣັດເຊຍປະສົບຄວາມສຳເລັດໃນການທົດສອບຢາຂ້າມະເຮັງໃນອາວະກາດ ເຊິ່ງສາມາດຕໍ່ຕ້ານກ້ອນເນື້ອຮ້າຍທຸກຊະນິດ ແລະ ທຸກຂັ້ນຕອນໃນຮ່າງກາຍມະນຸດໄດ້
“ຢານີ້ມີຊື່ວ່າ ‘thermal shock protein’ ສາດສະດາຈານ Andrei Simbirtsev ຮອງຜູ່ອຳນວຍການສະຖາບັນວິໄຈທາງວິທະຍາສາດການບຳບັດທາງຊີວະພາບບໍລິສຸດຂັ້ນສູງຂອງໜ່ວຍງານດ້ານການແພດ ແລະ ຊີວະພາບແຫ່ງຣັດເຊຍກ່າວວ່າ
“Simbirtsev ກ່າວວ່າ ໂປຣຕິນຕົວນີ້ບໍ່ພຽງແຕ່ຈະຊ່ວຍປົກປ້ອງເຊລຂອງມະນຸດບໍ່ໃຫ້ຖືກທຳລາຍ ແຕ່ຍັງຊ່ວຍໃຫ້ເຊລເຜີຍໃຫ້ເຫັນແອນຕິເຈນຂອງມະເຮັງ ເພື່ອກະຕຸ້ນລະບົບພູມຄຸ້ມກັນຂອງຮ່າງກາຍໃຫ້ທຳງານ, ໂປຣຕິນທີ່ຢູ່ໃນຮ່າງກາຍມະນຸດນັ້ນມິປະລິມານໜ້ອຍ ແຕ່ຢ່າງໃດກໍ່ຕາມ ນັກວິທະຍາສາດຊາວຣັດເຊຍໄດ້ຢືນຢັນວ່າຢີນທີ່ດູແລເລື່ອງນີ້ຈະສ້າງເຊລແບດທີເຣຍທີ່ສາມາດຜະລິດໂປຣຕິນໄດ້”
“ເຊລແບດທີເຣຍດັ່ງກ່າວສາມາດເພີ່ມຈຳນວນໄດ້ເປັນຢ່າງດີ ເພື່ອໃຫ້ເຮົາໄດ້ໂປຣຕິນໃນປະລິມານທີ່ບໍ່ຈຳກັດ ” Simbirtsev ກ່າວຕື່ມອີກວ່າ ຢາຕົວນີ້ໄດ້ຮັບການທົດສອບໃນໜູທີ່ເປັນມະເຮັງຜິວໜັງຊະນິດເມລາໂນມາ ແລະ ຊາຣໂຄມາ ເຊິ່ງຜົນການສຶກສາພົບວ່າມີການຮັກສາເປັນໄປໄດ້ຢ່າງສົມບູນ ເຖິງຈະເປັນການຮັກສາມະເຮັງໃນໄລຍະລຸກລາມໄປຫຼາຍແລ້ວກໍ່ຕາມ”
ຢ່າງໃດກໍ່ຕາມ ນັກວິທະຍາສາດຍັງຄົງຕ້ອງໃຊ້ເວລາອີກໜຶ່ງປີ ເພື່ອດຳເນີນການສຶກສາໄລຍະກ່ອນທົດລອງໃນຄົນໃຫ້ສຳເລັດກ່ອນ ເພື່ອໃຫ້ແນ່ໃຈວ່າຕື່ມອີກວ່າຢາຕົວນີ້ຈະບໍ່ກໍ່ໃຫ້ເກີດສານພິດໃດໆຕໍ່ຮ່າງກາຍ.
ແຫລ່ງຂໍ້ມູນຈາກ: https://board.postjung.com/1017269.html