ສຳນັກຂ່າວຕ່າງປະເທດລາຍງານ ເມື່ອວັນທີ 27 ກຸມພາ 2017 ຜ່ານມາວ່າ Li Qinglin ຊາຍຄົນຈີນ ອາຍຸ 50 ປີ ອາໄສຢູ່ໃນ ມົນທົນຈີ໋ຫລິນ ທາງພາກຕາເວັນອອກສ່ຽງເໜືອຂອງຈີນ ທີ່ໃຊ້ເວລາເກືອບ 20 ປີ ໃນການສະສົມໂທລະສັບມືຖື 3,000 ໜ່ວຍ ເພື່ອເຮັດເປັນພິພິທະພັນ
Li Qinglin ເລີ່ມສະສົມມືຖື ຕັ້ງແຕ່ປີ 1998 ເຊິ່ງຫຼັງຈາກມີໂທລະສັບມືຖື ໜ່ວຍທຳອິດ ເປັນລຸ້ນໂມໂຕໂຣລາ 8800 ລາວກໍເລີ່ມຊອກຊື້ໂທລະສັບລຸ້ນໃໝ່ລ່າສຸດຈາກຫຼາກຫຼາຍບໍລິສັດ ທີ່ສາມາດຊື້ໄດ້ ເຮັດໃຫ້ລາວເປັນເຈົ້າຂອງມືຖືເກືອບທຸກລຸ້ນທີ່ມີຂາຍຢູ່ຈີນ ແລະບາງລຸ້ນກໍມີລາຄາສູງໃນໝູ່ຄົນທີ່ມັກສະສົມໂທລະສັບ
Li Qinglin ເວົ້າວ່າ ມື້ໜຶ່ງຕົນເອງຈະມີພິພິທະພັນ ທີ່ໃຊ້ຈັດສະແດງໂທລະສັບມືຖືເຫຼົ່ານີ້ໃຫ້ຄົນອື່ນ ໄດ້ເບິ່ງ ເພື່ອຈະໄດ້ວິວັດທະນາການຂອງການສື່ສານມະນຸດທີ່ໃຊ້ໂທລະສັບມືຖື ທີ່ເລີ່ມຕັ້ງແຕ່ບໍ່ທັນໄດ້ໃຊ້ອິນເຕີເນັດ ສັນຍານຍັງບໍ່ທັນດີ ຈົນມາເຖິງການໃຊ້ 3G ແລະ 4G ໃນປະຈຸບັນ