Homeຂ່າວທ້ອງຖິ່ນໄຟໄໝ້ຕະຫຼາດລືໄຊ ເສຍຫາຍໜັກ

ໄຟໄໝ້ຕະຫຼາດລືໄຊ ເສຍຫາຍໜັກ

Published on

ລາຍງານຂ່າວຄວາມຄືບໜ້າເຫດຕະຫຼາດລືໄຊ ເມືອງໄຊ ແຂວງ ອຸດົມໄຊ ເມື່ອວັນທີ 25 ກຸມພາ 2017 ທີ່ຜ່ານມາ ມີ 6 ຮ້ານຄ້າ ເສຍຫາຍໜັກໄໝ້ກ້ຽງບໍ່ເຫຼືອຊາກ.

ເມື່ອເວລາ 22:00 ໂມງຂອງວັນທີ 25/02/2017 ທີ່ຜ່ານມາ ຕະຫຼາດລືໄຊ, ເມືອງໄຊ ແຂວງ ອຸດົມໄຊ ເກີດເຫດໄຟໄໝ້ຢ່າງໜັກທີ່ຊັ້ນສອງຂອງຕະຫຼາດ ເຈົ້າໜ້າທີ່ ແລະ ປະຊາຊົນໄດ້ລະດົມກຳລັງເຂົ້າຄວບຄຸມເພີງໄໝ້ ເຊິ່ງໃຊ້ເວລາຫຼາຍກວ່າໜຶ່ງຊົ່ວໂມງ ຈິ່ງສາມາດຄວບຄຸມໄຟບໍ່ໃຫ້ໄໝ້ລຸກລາມລົງມາທີ່ຊັ້ນ 1 ຂອງຕະຫຼາດໄດ້

ເຫດການໄຟໄໝ້ໃນຄັ້ງນີ້ ເຮັດໃຫ້ມີ 6 ຮ້ານຄ້າໄດ້ຮັບຜົນກະທົບເສຍຫາຍໜັກເນື່ອງຈາກໄຟໄດ້ໄໝ້ຮ້ານ ແລະ ສິນຄ້າຈົນໝົດກ້ຽງບໍ່ເຫຼືອຊາກ.

ສ່ວນສາເຫດ ຄາດວ່າອາດເກີດຈາກ ການຈູດທູບທຽນບູຊາ (ເພາະເປັນຄືນວັນສິນ) ຫຼື ໄຟຟ້າລັດວົງຈອນ ເຈົ້າໜ້າ ທີ່ຍັງຄົງສືບສວນ ແລະ ຈະສະຫຼຸບສາເຫດທາງການອີກຄັ້ງ ສຳລັບມູນຄ່າຄວາມເສຍຫາຍຄາດວ່າຫຼາຍຮ້ອຍລ້ານກີບ.

 

ພາບ ແລະ ວິດີໂອປະກອບຈາກ: ໂທລະໂຄ່ງ

ບົດຄວາມຫຼ້າສຸດ

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...