ເປັນອີກໜຶ່ງຂ່າວດີສຳລັບວົງການວິທະຍາສາດການແພດ ໂດຍສະເພາະຜູ້ປ່ວຍໂຣກເບົາຫວານຊະນິດທີ 1 ເພາະຄາດວ່າພາຍໃນປີ 2018 ຈະມີຕັບອ່ອນທຽມຈຳໜ່າຍແລ້ວ
ປັດຈຸບັນອົງການອາຫານ ແລະ ຢາແຫ່ງສະຫະລັດອາເມລິກາ (FDA) ກຳລັງກວດສອບທົບທວນຂໍ້ສະເໜີລະດັບດັບອ່ອນທຽມຢູ່ລາຍໜຶ່ງ ໂດຍຄາດວ່າຈະໄດ້ຮັບການອະນຸມັດໃນປີໜ້າ ຂະນະທີ່ສະຖາບັນວິໄຈສຸຂະພາບແຫ່ງຊາດຂອງສະຫະຣາຊະອານາຈັກ (ອັງກິດ) ຄາດວ່າລະບົບຕັບອ່ອນທຽມໜ້າຈະໃຊ້ງານໄດ້ສົມບູນພາຍໃນທ້າຍປີ 2018
ຄຸນສົມບັດຂອງຕັບອ່ອນທຽມແມ່ນໄດ້ຮວມເອົາຂະບວນການວັດລະດັບນ້ຳຕານໃນເລືອດ ແລະ ການໃຫ້ອິນຊູລິນໃນປະລິມານທີ່ເໝາະສົມມາໄວ້ໃນອຸປະກອນດຽວ ໂດຍການສອດເຂັມໄວ້ລືບຜິວໜັງເຮັດໃຫ້ສາມາດກວດວັດຕິດຕາມລະດັບນ້ຳຕານໃນເລືອດໄດ້ຢ່າງຕໍ່ເນື່ອງ ແລະ ການໃຫ້ອິນຊູລິນຈະຖືກດຳເນີນການໂດຍລະບົບບໍລິຫານຈັດການອິນຊູລິນແບບອັດຕະໂນມັດເມື່ອມີຄວາມຈຳເປັນ ເຊິ່ງສາມາດຍົກເລີກພາລະຂອງການດູແລຕົນເອງຂອງຜູ້ປ່ວຍ ແລະ ຍັງໝັ້ນໃຈໄດ້ຍິ່ງຂຶ້ນວ່ານ້ຳຕານໃນເລືອດຈະຢູ່ໃນລະດັບດີຕະລອດເວລາ
ແຫລ່ງຂໍ້ມູນຈາກ: www.takieng.com