spot_img
Homeຊີວິດແລະຄວາມຮັກສູດຈີບຄົນທີ່ຕົນເອງສົນໃຈ

ສູດຈີບຄົນທີ່ຕົນເອງສົນໃຈ

Published on

ໃນຄໍລຳ ຊີວິດ ກັບ ຄວາມຮັກ ມື້ນີ້ແອັດມີສູດ ຈີບຄົນທີ່ຕົນເອງສົນໃຈມາຝາກ ເຊິ່ງສູດນີ້ເປັນສູດທີ່ແອັດໃຊ້ເປັນປະຈຳເມື່ອຕອນເປັນໄວລຸ້ນ ແລະ ກໍ່ຮູ້ສຶກວ່າມັນໄດ້ຜົນເກືອບທຸກຄົນ ຖ້າຈະປຽບທຽບກໍ່ແມ່ນມີ “ປາມາຕິດເບັດ” ຫຼາຍໂຕເລີຍກໍ່ວ່າໄດ້ ເອົາເປັນວ່າເຮົາບໍ່ເວົ້າຫຍັງຍາວ ລອງມາອ່ານສູດນີ້ກັນເລີຍ
ສູດຈີບຄົນທີ່ຕົນເອງສົນໃຈ
 
1. ຫາເປົ້າໝາຍທີ່ຄິດວ່າຕົນເອງສົນໃຈ ຫຼື ມັກທີ່ສຸດ
2. ຊອກຫາຂໍ້ມູນຈາກຄົນອ້ອມຂ້າງຄົນໆນັ້ນ ເຊັ່ນ: ເບີໂທ,​ ເຟສບຸກ …
3. ທັກໄປລົມ ຖາມເລື່ອງດິນຟ້າອາກາດ, ຜູ້ຄົນ, ຊີວິດປະຈຳວັນຂອງເຂົາກ່ອນ ເຖິງແມ່ນວ່າຈະຮູ້ສຶກມັກເຂົາຫຼາຍພຽງໃດແຕ່ເບື້ອງຕົ້ນບໍ່ຄວນອອກຕົວແຮງຈົນເກີນໄປ ແລະ ບໍ່ຄວນທັກຫຍັງໄປຫຼາຍ 3-4 ຊົ່ວໂມງ ຈິ່ງທັກໄປຖາມຈັກຄຳສອງຄຳກໍ່ພໍ
4. ຖ້າເຂົາຕອບກັບ ສະແດງວ່າເຂົາກໍ່ຢາກລົມກັບເຮົາ
5. ຈາກທີ່ 3-4 ຊົ່ວໂມງທັັກໄປຖາມຄຳສອງຄຳ ກໍ່ເລີ່ມທັກໄປລົມຫຼາຍຂຶ້ນກວ່າເກົ່າ ແຕ່ກໍ່ຍັງຖາມເລື່ອງດິນຟ້າອາກາດຕໍ່ໄປ, ການຈີບໃຜຈັກຄົນໜຶ່ງບໍ່ຄວນໃຈຮ້ອນຟ້າວຟັ່ງຈົນເກີນໄປ ເພາະຈະເຮັດໃຫ້ເຂົາປະຕິເສດເຮົາໄດ້ງ່າຍ ເຮົາຕ້ອງພະຍາຍາມຄ່ອຍແຊກເຂົ້າໄປໃນຄວາມຮູ້ສຶກຂອງເຂົາມື້ລະໜ້ອຍ
6. ເມື່ອເຮົາຮູ້ສຶກວ່າເຂົາກໍ່ຮູ້ສຶກດີກັບເຮົາແລ້ວ ເຮົາກໍ່ເຮັດທຳທ່າຫາຍຕົວ ຈາກທີ່ເຄີຍທັກເຂົາໄປກ່ອນ ກໍ່ລໍຖ້າໃຫ້ເຂົາເປັນຄົນທັກມາກ່ອນ ຖ້າເຮົາຫາຍໄປແລ້ວເຂົາທັກມາກ່ອນ ເຮົາກໍ່ບໍ່ຟ້າວຕອບທັນທີ ເບິ່ງໄປກ່ອນໃຫ້ມີການທັກມາອີກຈັກສອງສາມເທື່ອ ນັ້ນກໍ່ສະແດງວ່າເຮົາຈີບເຂົາຕິດແລ້ວ
7. ເມື່ອເຮົາໝັ້ນໃຈວ່າເຂົາກໍ່ຮູ້ສຶກໂອເຄກັບເຮົາຫຼາຍຂຶ້ນກວ່າເກົ່າແລ້ວຈິ່ງຄ່ອຍເຜີຍຄວາມຮູ້ສຶກ
8. ຫຼັງຈາກເປີດເຜີຍຄວາມຮູ້ສຶກໃຫ້ອີກຝ່າຍໜຶ່ງຮັບຮູ້ຖ້າອີກຝ່າຍຄິດຄືກັນ ກໍ່ຖືວ່າໂຊກດີເຮົາກໍ່ສານສຳພັນຕໍ່ ແຕ່ຖ້າອີກຝ່າຍບໍ່ຄິດຄືກັນກັບເຮົາກໍ່ຄວນຕັດໃຈ ຫຼື ຈະຕື້ຈີບຕໍ່ໄປນັ້ນກໍ່ຂຶ້ນກັບການຕັດສິນໃຈຂອງຕົວເຮົາເອງ
ວິທີທີ່ແອັດໃຊ້ເມື່ອຕອນໄວເອ໊າະໆ ກໍ່ມີພຽງເທົ່ານີ້ ຖ້າຫາກເພື່ອນໆຄົນໃດມີປະສົບການດີໆກ່ຽວກັບເລື່ອງການຈີບຄົນທີ່ຕົນຮັກ ແລະ ຢາກຮ່ວມແຊຣປະສົບການກໍ່ສາມາດຂຽນສົ່ງມາແບ່ງປັນໃຫ້ເພື່ອນໆອ່ານນຳກັນໄດ້

ບົດຄວາມຫຼ້າສຸດ

ພາກກາງ-ໃຕ້ ສືບຕໍ່ຮ້ອນເອົ້າ ພະຍາກອນອາກາດ ປະຈໍາວັນທີ 31 ມີນາ 2025

ພະຍາກອນອາກາດ ປະຈໍາວັນທີ 31 ມີນາ 2025, ເວລາ 12 ໂມງ 00 ພາກກາງ-ພາກໃຕ້ ສືບຕໍ່ອາກາດຮ້ອນເອົ້າ ຄວາມກົດດັນສູງຂອງອາກາດເຢັນ ຍັງປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ,...

ອັບເດດຍອດຜູ້ເສຍຊີວິດ-ບາດເຈັບ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີທີ່ປະເທດມຽນມາ

ອັບເດດສະຖານະການແຜ່ນດິນໄຫວຮຸນແຮງທີ່ປະເທດຫວຽດນາມຫຼ້າສຸດ ຍອດຜູ້ເສຍຊີວິດພຸ່ງຂຶ້ນເປັນ 1,700 ຄົນ. ສຳນັກຂ່າວ thaipbs ລາຍງານໃຫ້ຮູ້ວ່າ: ໃນວັນທີ 31 ມີນາ 2025 ເຈົ້າໜ້າທີ່ກູ້ໄພຍັງສືບຕໍ່ຄົ້ນຫາຜູ້ລອດຊີວິດທີ່ອາດຕິດຢູ່ໃຕ້ຊາກອາຄານພັງຖະຫຼົ່ມ ຫຼັງເກີດແຜ່ນດິນໄຫວຄວາມແຮງ 7.7 ຣິກເຕີ,...

ອັບເດດສະຖານະການຄົ້ນຫາ ຜູ້ປະສົບເຫດອາຄານຖະຫຼົ່ມ ທີ່ປະເທດໄທ ຫຼັງເກີດແຜ່ນດິນໄຫວຮຸນແຮງໃນປະເທດມຽນມາ

ຄວາມຄືບໜ້າສະຖານະການການຄົ້ນຫາ ຜູ້ປະສົບເຫດ ອາຄານຂອງສຳນັກງານກວດເງິນແຜ່ນດິນ ປະເທດໄທ ຖະຫຼົ່ມລົງມາ ຂະນະນີ້ເຈົ້າໜ້າທີ່ຍັງເລັ່ງຄົ້ນຫາອີກ 76 ຄົນ. ສຳນັກຂ່າວຕ່າງປະເທດລາຍງານຈາກເຫດການອາຄາຂອງສຳນັກງານກວດເງິນແຫ່ງຊາດ ໃນພຶ້ນທີ່ເຂດຈະຕຸຈັກ ກຸງເທບມະຫານະຄອນ ປະເທດໄທ ທີ່ກຳລັງທຳການກໍ່ສ້າງມີຄວາມສູງກວ່າ່ 30 ຊັ້ນ...

ຍອດຜູ້ເສຍຊີວິດຈາກເຫດແຜ່ນດິນໄຫວ ໃນມຽນມາ ເພີ່ມຂຶ້ນຢ່າງນ້ອຍ 1,644 ຄົນ

ຈຳນວນຜູ້ເສຍຊີວິດໃນມຽນມາຈາກເດຫແຜ່ນດິນໄຫວຮຸນແຮງເມື່ອວັນສຸກຜ່ານມາ, ມີຈຳນວນ 1,600 ຄົນ ຂະນະທມທີ່ໜ່ວຍກູ້ໄພເລັ່ງຄົ້ນຫາຜູ້ທີ່ຕິດຢູ່ໃຕ້ຊາກອາຄານຫຼາຍແຫ່ງທີ່ຖະຫຼົ່ມລົງມາ. ສຳນັກຂ່າວຕ່າງປະເທດລາຍງານວ່າ: ຜູ້ນຳນຳກອງທັບມຽນມາເປີດເຜີຍເມື່ອວັນທີ 29 ມີນາ 2025 ວ່າ: ຈຳນວນຜູ້ເສຍຊີວິດໃນປະເທດ ຈາກເຫດແຜ່ນດິນໄຫວຮຸນແຮງລະດັບ 7.7 ຣິກເຕີ...