ອໍທິສຕິກ ຄື ອາກາດທີ່ສະແດງໃຫ້ເຫັນເຖິງຄວາມຜິດປົກກະຕິຂອງການພັດທະນາສະໝອງຂອງເດັກນ້ອຍ ລັກສະ ນະຂອງເດັກນ້ອຍທີ່ເປັນ ອໍທິສຕິກ ແມ່ນຈະມັກແຍກຕົວບໍ່ເຂົ້າໝູ່ມັກຢູ່ຄົນດຽວ, ບໍ່ເວົ້າ ຫຼື ຕິດຕໍ່ທາງພາສາກັບຄົນອື່ນ ແລະ ບັນຫາດ້ານພຶດຕິກຳ ເດັກທີ່ເປັນໂຣກນີ້ຈະເປັນຕັ້ງແຕ່ເກີດ ແຕ່ຈະມີອາການສະແດງໃຫ້ເຫັນເມື່ອຕອນອາຍຸປະມານ 3 – 5 ເດືອນ ຫຼື ຫຼາຍກວ່ານັ້ນ ສ່ວນຫຼາຍແມ່ນຈະເຫັນໄດ້ຊັດເຈນເມື່ອເດັກນ້ອຍອາຍຸໄດ້ 2 ປີ
ສຳລັບ ຄໍລຳ ແມ່ ແລະ ລູກ ໃນມື້ນີ້ ແອັດມິນມີພຶດຕິກຳທີ່ບົ່ງບອກວ່າລູກນ້ອຍເປັນ…ອໍທິສຕິກ ມາໃຫ້ພວກທ່ານໄດ້ສຶກສາຂໍ້ມູນໄວ້ເປັນຄວາມຮູ້ ເຊິ່ງຈະມີພຶດຕິກຳໃດແນ່ນັ້ນເຮົາມາຮູ້ຈັກພ້ອມກັນເລີຍ
- ເດັກດູດນົມໄດ້ບໍ່ດີປານໃດ
- ມິດເສີຍບໍ່ສົນໃຈໃຜ
- ບໍ່ສະແດງທ່າທາງ ຫຼື ສົ່ງສຽງຮ້ອງ
- ບໍ່ສົນໃຈໃຜ ແຕ່ບາງຄົນກໍ່ຕິດຄົນຫຼາຍຈົນເກີນໄປ
- ບໍ່ສົບຕາໃຜ
- ບໍ່ສົນໃຈທີ່ຈະໃຫ້ໃຜອຸ້ມ
- ບໍ່ຕອບສະໜອງດ້ານອາລົມ
- ຊີ້ນິ້ວບໍ່ເປັນ
- ເອີ້ນຊື່ຄົນທີ່ຫຼິ້ນນຳບໍ່ເປັນ
- ບໍ່ມີຄວາມກະຕືລືລົ້ນຄືເດັກນ້ອຍຄົນອື່ນ
- ຜູກພັນແຕ່ກັບສິ່ງທີ່ມັກຊ້ຳໆ ເຊັ່ນ: ເບິ່ງກະຕູນເລື່ອງເກົ່າຊ້ຳໆ, ຟັງເພງຊ້ຳໆ…
- ບໍ່ສົນໃຈຄົນ ຫຼື ສິ່ງແວດລ້ອມອ້ອມຕົວມັກເກັບຕົວຄົນດຽວ
- ບໍ່ສາມາດສື່ສານໃຫ້ຄົນອື່ນເຂົ້າໃຈ
- ເຄື່ອນໄຫວຮ່າງກາຍຊ້າກວ່າເດັກທົ່ວໄປ
- ບໍ່ເຂົ້າໃຈການສື່ສານຈາກຄົນອື່ນ
- ບໍ່ສາມາດໃຊ້ພາສາທ່າທາງໃນການສື່ສານໄດ້
- ມັກເບິ່ງສິ່ງຂອງໝູນໆ ເຊັ່ນ: ພັດລົມ, ຕີນລົດໝູນ
- ຫຼິ້ນບໍ່ເປັນມັກເອົາມາດົມ, ເຄາະ, ໂຍນ ຫຼື ເອົາເຂົ້າປາກອົມ
ແຫລ່ງຂໍ້ມູນຈາກ: http://haamor.com/th/