ຫວ່າງບໍ່ດົນມານີ້, ເຈົ້າໜ້າທີ່ ປກສ ແຂວງອຸດົມໄຊ, ໄດ້ຈັບຕົວທ້າວ ບຸນໄຊ ຢາງ ອາຍຸ 34 ປີ ຢູ່ບ້ານໜອງແມງດາ ເມືອງໄຊ ແຂວງອຸດົມໄຊ, ມາດໍາເນີນຄະດີ, ຫລັງຈາກມີການ ລັກລອບເຄື່ອນໄຫວຄ້າ-ຂາຍຢາເສບຕິດ, ເຊິ່ງເຈົ້າໜ້າທີ່ຕຳຫຼວດ ຈັບໄດ້ໃນຂະນະເອົາຢາບ້າຈໍານວນ 9.200 ເມັດ ຊຸກເຊື່ອງໄວ້ໃນລົດກະບະວີໂກ້ ໝາຍເລກທະບຽນ ກສ 5284 ກຳແພງນະຄອນ, ເພື່ອຈະເອົາໄປສົ່ງໃຫ້ລູກຄ້າ, ແຕ່ຂັບລົດມາຕາມເສັ້ນທາງເລກ 13 ເໜືອ ໃນເຂດ ບ້ານຫ້ວຍກຸມ ເມືອງໄຊ ແຂວງອຸດົມໄຊ ກໍຖືກເຈົ້າໜ້າທີ່ຈັບໄດ້, ພ້ອມອາຍັດລົດ, ເງິນຈໍານວນ 450 ພັນກີບ, 4 ພັນບາດ (ສະກຸນເງິນໄທ) ແລະ ໂທລະສັບມືຖື 2 ໜ່ວຍທີ່ນໍາໃຊ້ເຂົ້າໃນການເຄື່ອນໄຫວກະທໍາຜິດໄວ້ເປັນຫລັກ ຖານເພື່ອດໍາເນີນຄະດີຕາມລະບຽກົດໝາຍ.
ແຫຼ່ງຂ່າວ: ໜັງສືພິມ ລາວພັດທະນາ