ສຳນັກຂ່າວຕ່າງປະເທດລາຍງານ ເມື່ອວັນທີ 21 ກຸມພາ 2017 ນີ້ວ່າ  ເກີດອຸປະຕິເຫດ ຍົນຂະໜາດນ້ອຍ ຕົກໃສ່ຫຼັງຄາຊ໊ອບປິ້ງມໍ ຢູ່ເມືອງເມລເບິນ ຂອງປະເທດອອສເຕຣເລຍ ໃນເວລາປະມນ 09:00 ໂມງ ຕາມເວລາທ້ອງຖິ່ນຂອງມື້ນີ້ ເຮັດໃຫ້ມີຜູ້ເສຍຊີວິດ 5 ຄົນ ເຊິ່ງທັງໝົດ 5 ຄົນນັ້ນ ເປັນຜູ້ໂດຍສານທີ່ນັ່ງຢູ່ເທິງຍົນນ້ອຍ, ຍົນນ້ອຍ ເຊົ່າເໝົາລຳນີ້ ຄາດປະສົບອຸປະຕິເຫດຍ້ອຍເຄື່ອງຍົນຂັດຂ້ອງ ຂະນະຂຶ້ນບິນຈາກສະໜາມບິນເອສເຊນດອນ ເມືອງເມລເບິນ ເພື່ອມຸ່ງໜ້າໄປຫາເກາະຄິງຂອງທາສເມເນຍ ເຊິ່ງຢູ່ຫ່າງຈາກເມືອງເມລເບິນ ໄປທາງທິດໃຕ້ປະມານ 245 ກິໂລແມັດ

ໃນຕອນເກີດອຸປະຕິເຫດຫ້າງສັບພະສິນຄ້າຍັງບໍ່ທັນເປີດບໍລິການ, ເຄື່ອງບິນໄດ້ຕົກໃສ່ພື້ນທີ່ເກັບເຄື່ອງດ້ານຫຼັງຂອງຕຶກ ເຮັດໃຫ້ເກີດໄຟໄໝ້ ແລະມີຄວັນດຳພຸ່ງຂຶ້ນເທິງທ້ອງຟ້າ, ພະນັກງານທັງໝົດປອດໄພ ຂະນະທີ່ທາງການປະກາດວ່າ ຈະເລັ່ງສອບສວນວ່າ ເປັນຍ້ອນສາເຫດຫຍັງທີ່ເຮັດໃຫ້ເຄື່ອງບິນຕົກ