ອາການເມົາຄ້າງ ເປັນອາການທີ່ຄ້າຍກັບອາການທີ່ຫາກໍ່ຟື້ນຈາກການເປັນໄຂ້ ເນື່ອງຈາກຮ່າງກາຍຂາດນໍ້າ ເຮັດໃຫ້ເຊວສະໝອງແຫ່ວ, ທາດແອວກໍຮໍທີ່ເຮົາດື່ມເຂົ້າໄປ ເຮັດໃຫ້ເຮົາຂັບສິ່ງເສດເຫຼືອອອກມາທາງນໍ້າປັດສະວະ ພ້ອມກັບຂັບສານອາຫານທີ່ສຳຄັນຂອງຮ່າງກາຍອອກມາພ້ອມ ດັ່ງນັ້ນມື້ນີ້ເຮົາຈຶ່ງຈະມາແນະນຳເຄື່ອງດື່ມ ທີ່ຊ່ວຍແກ້ອານເມົາຄ້າງໄດ້ດັ່ງນີ້
- ນໍ້າ: ສາເຫດທີ່ເຮັດໃຫ້ເມົາ ເກີດຈາກສະພາວະຂາດນໍ້າໃນຮ່າງກາຍ ເພາະຮ່າງກາຍຕ້ອງຂັບແອວກໍຮໍອອກໄປ ຈຶ່ງເຮັດໃຫ້ມີນໍ້າອອກໄປພ້ອມ ທາງແກ້ຄືດື່ມນໍ້າຫຼາຍໆ ເພື່ອຊົດເຊີຍການເສຍນໍ້າ
- ເຄື່ອງດື່ມຮ້ອນໆເຊັ່ນ: ນໍ້າຊາ, ຊາໝາກນາວ ແລະອື່ນໆ
- ນໍ້າອັດລົມ ຫຼືໂຄກ: ຄົນອັງກິດນິຍົມດື່ມນໍ້າອັດລົມແກ້ອາການເມົາຄ້າງ ເພາະນໍ້າອັດລົມຈະຊ່ວຍຂັບແອວກໍຮໍໃນເສັ້ນເລືອດອອກໄປ
- ນົມອຸ່ນໆ: ດື່ມນົມອຸ່ນໃຫ້ໝົດແກ້ວ ການດື່ມນົມຈະຊ່ວຍດື່ມຊັບແອວກໍຮໍໃນຮ່າງກາຍໄດ້ ແຕ່ກໍບໍ່ຄວນດື່ມຫຼາຍ ເພາະອາດເຮັດໃຫ້ຮາກໄດ້
- ເຄື່ອງດື່ມວິຕາມິນ: ສຳລັບໃຜທີ່ຮູ້ຕົວວ່າ ຕ້ອງອອກງານ ແລະຕ້ອງດື່ມແອວກໍຮໍຫຼາຍ ຄວນໄປຊອກຊື້ເຄື່ອງດື່ມວິຕາມິນບີ ແລະຊີ ໃນຮ້ານຂາຍມາໄວ້ ເພາະເຄື່ອງດື່ມນີ້ຈະຊ່ວຍຫຼຸດອາການເມົາຄ້າງ ແລະເຈັບຫົວໄດ້
- ເຄື່ອງດື່ມເກືອແຮ່: ການດື່ມເຄື່ອງດື່ມເກືອແຮ່ທີ່ມີຂາຍຕາມຮ້ານທົ່ວໄປ ສາມາດຟື້ນຟູອາການຂາດນໍ້າໄດ້ ແລະຊ່ວຍລະບົບຕ່າງໆໃນຮ່າງກາຍເຮັດວຽກໄດ້ດີຂຶ້ນ
- ນໍ້າສົ້ມຄັ້ນສົດ: ການດື່ມນໍ້າສົ້ມຄັ້ນ ຈະຊ່ວຍຫຼຸດອາການເຈັບຫົວ ແລະວິນຫົວ, ນອກນັ້ນຍັງຊ່ຍຊົດເຊີຍອາການຂາດນໍ້າຫຼັງດື່ມຫຼາຍເກີນໄປ
- ນໍ້າເຜິ້ງປະສົມນໍ້າໝາກນາວ: ການດື່ມເຄື່ອງດື່ມທີ່ມີວິຕາມິນຊີ ຈະຊ່ວຍຫຼຸດປະລິມານສານຕົກຄ້າງທີ່ມີໃນຕັບໄດ້
- ນໍ້າຂີງອຸ່ນໆ: ເປັນເຄື່ອງດື່ມ ທີ່ຊ່ວຍເລື່ອງຂອງລະບົບຫາຍໃຈ ຊ່ວຍໃຫ້ເຮົາດີຈາກອາການເຈັບຫົວ ເພາະເມົາຄ້າງໄດ້ ແລະຍັງຊ່ວຍເລື່ອງລະບົບການຂັບຖ່າຍແອວກໍຮໍອອກມາໄດ້ດີຂຶ້ນ
- ນໍ້າອ້ອຍຄັ້ນສົດ: ການດື່ມນໍ້າອ້ອຍສົດໆບໍ່ໃສ່ນໍ້າກ້ອນ 1 ແກ້ວ ຈະຊ່ວຍແກ້ອາການເມົາຄ້າງ, ອາການເຈັບຫົວ ແລະອ່ອນເພຍໄດ້