ໃນລະຫວ່າງວັນທີ 13-16 ກຸມພາຜ່ານມານີ້ ຄະນະຜູ້ແທນຂັ້ນສູງ ກະຊວງຕຳຫລວດຫວຽດນາມ ນຳໂດຍທ່ານ ພົນໂທ ຫງວຽນວັນແທ່ງ, ຮອງລັດຖະມົນຕີ ກະຊວງຕຳຫລວດຫວຽດນາມ ໄດ້ເດີນທາງຢ້ຽມຢາມ ແລະ ເຮັດວຽກຢູ່ ສາທາລະນະລັດ ປະຊາທີປະໄຕ ປະຊາຊົນລາວ ເພື່ອພົບປະເຈລະຈາລະຫວ່າງ ກະຊວງຕຳຫລວດຫວຽດນາມ ແລະ ກະຊວງປ້ອງກັນຄວາມສະຫງົບລາວ ໂດຍຝ່າຍລາວນຳໂດຍ ທ່ານ ສີນທະວົງ ໄຊຍະກອນ ຮອງລັດຖະມົນຕີ ກະຊວງປ້ອງກັນຄວາມສະຫງົບ.
ທັງສອງຝ່າຍໄດ້ເຫັນດີເປັນເອກະສັນນຳກັນວ່າ ໃນປີ 2017 ນີ້ ຈະສືບຕໍ່ຮັກສາ ແລະ ເພີ່ມທະວີການພົບປະຂັ້ນສູງລະຫວ່າງສອງກະຊວງ, ລະຫວ່າງບັນດາກົມກອງ, ຕຳຫຼວດທ້ອງຖິ່ນ ເພື່ອແນໃສ່ແລກປ່ຽນຂໍ້ມູນຂ່າວສານ, ແບ່ງປັນບົດຮຽນໃນການຕໍ່ສູ້ ປ້ອງກັນຕ້ານອາດຊະຍາກຳຕ່າງໆ; ເພີ່ມທະວີການຮ່ວມມືສຶກສາ, ບຳລຸງສ້າງພະນັກງານ, ພະລາທິການ-ເຕັກນິກ. ສອງຝ່າຍໄດ້ທາບທາມຄວາມເຫັນ, ສະໜັບສະໜູນເຊີ່ງກັນ ແລະ ກັນ ຢູ່ບັນດາເວທີປາໃສສາກົນ ແລະ ໃນພາກພື້ນ ກ່ຽວກັບການປ້ອງກັນຕ້ານອາດຊະຍາກຳ. ສອງຝ່າຍຈະສົມທົບກັນ ສົ່ງເສີມການຜັນຂະຫຍາຍບັນດາການເຄື່ອນໄຫວ ສະເຫຼີມສະຫລອງ ວັນສ້າງຕັ້ງການພົວພັນທາງການທຸດ ຫວຽດນາມ – ລາວຄົບຮອບ 55 ປີ ແລະ ວັນລົງນາມໃນສົນທິສັນຍາມິດຕະພາບ ແລະ ການຮ່ວມມື ຫວຽດນາມ – ລາວ ຄົບຮອບ 40 ປີ ຢ່າງມີປະສິດທິຜົນ.
ແຫລ່ງຂ່າວ: VOV World