ສຳນັກຂ່າວຕ່າງປະເທດ ລາຍງານໃນວັນທີ 15 ກຸມພາຜ່ານມານີ້ວ່າ ທ່ານ ຣາອູນ ຢຸງມັນ ລັດຖະມົນຕີກະຊວງປ້ອງກັນປະເທດບຣາຊິນ ໄດ້ອອກມາເປີດເຜີຍ ເມື່ອວັນອັງຄານ 14 ກຸມພາລະບຸວ່າ ທາງກະຊວງໄດ້ສົ່ງທະຫານ 9,000 ຄົນ ເຂົ້າໄປປະຈຳການຢູ່ ນະຄອນຣີໂອ ເດີຈາເນໂຣ ເພື່ອປ້ອງກັນຄວາມປອດໄພ ກ່ອນການຈັດງານນິເທດສະການຄານິວັນ ຫລັງຈາກທີ່ເກີດເຫດຄວາມຮຸນແຮງເພີ່ມຂຶ້ນ ໃນໄລຍະອາທິດທີ່ຜ່ານມາ ເນື່ອງຈາກເຈົ້າໜ້າທີ່ຕຳຫລວດ ນະຄອນຣີໂອ ເດີຈາເນໂຣ ປະທ້ວງຢຸດງານ ເພື່ອຮຽກຮ້ອງໃຫ້ເພີ່ມຄ່າແຮງງານ.

ທັງນີ້ ນິເທດສະການຄານິວັນ ຈັດຂຶ້ນທຸກໆປີທີ່ນະຄອນຣີໂອ ເດີຈາເນໂຣ ເມືອງໃຫຍ່ອັນດັບ 2 ຂອງບຣາຊິນ ໂດຍຄາດວ່າຈະມີນັກທ່ອງທ່ຽວ ເດີນທາງເຂົ້າຮ່ວມປະມານ 1 ລ້ານຄົນ ໃນລະຫວ່າງວັນທີ 26-27 ກຸມພານີ້.