ອີງຕາມຂ່າວຈາກສຳນັກຂ່າວສົດ ເວັບໄຊຂ່າວຊື່ດັງຂອງໄທ ໄດ້ລາຍງານເມື່ອຕອນແລງວານນີ້ ວັນທີ 14 ກຸມພາ 2017 ໂດຍອ້າງອີງແຫຼ່ງຂ່າວຈາກສຳນັກຂ່າວ ຢອນຮັບຂອງເກົາຫຼີໃຕ້ ແລະສຳນັກຂ່າວ ເອເອຟພີ ວ່າ ທ່ານ ກິມເຈິງນຳ ອ້າຍຕ່າງມານດາຂອງ ທ່ານ ກິມເຈິງອຸນ ໄດ້ຖືກສາຍລັບຂອງເກົາຫຼີເໜືອ ເຊິ່ງເປັນຍິງສາວ 2 ຄົນ ລອບສັງຫານດ້ວຍການແທງດ້ວຍເຂັມຢາພິດ ທີ່ສະໜາມບິນປະເທດມາເລເຊຍ ເຮັດໃຫ້ ທ່ານ ກິມເຈິງນຳ ເສຍຊີວິດໃນເວລານຳສົ່ງໂຮງໝໍ ເຫດການເກີດຂຶ້ນໃນວັນທີ 12 ກຸມພາ 2017.

ແນວໃດກໍຕາມ, ມາຮອດປັດຈຸບັນຍັງບໍ່ສາມາດຢືນຢັນໄດ້ວ່າ ຂ່າວດັ່ງກ່າວຈະເປັນເລື່ອງຈິງຫຼືບໍ່ ແລະຖ້າມີເຫດການຈິງແຕ່ກໍຍັງບໍ່ສາມາດຢືນຢັນໄດ້ວ່າຜູ້ເສຍຊີວິດ ເປັນທ່ານ ກິມເຈິງນຳ ແທ້ຫຼືບໍ່.

ຂ່າວນີ້ຍັງເປັນຂ່າວທີ່ຍັງບໍ່ສາມາດຢືນຢັນໄດ້ວ່າເປັນຄວາມຈິງຫຼືບໍ່ສໍ່າໃດ ເພາະເຄີຍມີຂ່າວໃນລັກນະນະດຽວກັນນີ້ມາແລ້ວເມື່ອ 4 ປີກ່ອນ ຄືເມື່ອທ້າຍປີ 2011 ມີຂ່າວເຜີຍແພ່ໄປທົ່ວໂລກວ່າ ອາວເຂີຍຂອງທ່ານ ກິມເຈິງອຸນ ຊື່ທ່ານ ຊາງຊອງແດ໊ກ ໄດ້ຖືກປະຫານຊີວິດດ້ວຍຂໍ້ຫາທໍລະຍົດ. ແຕ່ແລ້ວພັດຍັງປາກົດເຫັນທ່ານ ຊາງຊອງແດ໊ກ ເຂົ້າຮ່ວມກອງປະຊຸມພັກແຮງງານເກົາຫຼີ ທີ່ຈັດຂຶ້ນໃນເດືອນພຶດສະພາ 2016 ທີ່ຜ່ານມານັ້ນຢູ່.