spot_img
Homeອຸບັດເຫດແລະປາກົດການຫຍໍ້ທໍ້ຄາດຕະກຳໂຫດ ຄູ່ຜົວເມຍຊາວນາ ທີ່ແຂວງ ບໍ່ແກ້ວ

ຄາດຕະກຳໂຫດ ຄູ່ຜົວເມຍຊາວນາ ທີ່ແຂວງ ບໍ່ແກ້ວ

Published on

ຖືເປັນອີກຫນຶ່ງຄະດີການກໍ່ຄວາມຮຸນແຮງ ແລະ ຍັງບໍ່ຊາບໂຕຄົນຮ້າຍທີ່ໃຊ້ອາວຸດທໍາຮ້າຍຄູ່ຜົວເມຍທີ່ມີອາຊີບເປັນຊາວນາຢູ່ແຂວງບໍ່ແກ້ວ ນອນເສຍຊີວິດ ໂດຍອີງຕາມການເປີດເຜີດຕໍ່ຜູ່ສື່ຂ່າວທ້ອງຖິ່ນຂອງເຈົ້າໜ້າທີ່ ປກສ ແຂວງ ບໍ່ແກ້ວ ໃນວັນທີ 03 ກຸມພາ 2017 ວ່າ ເມື່ອເວລາປະມານ 07:30 ໂມງ ຂອງວັນທີ 25 ມັງກອນ 2017 ຜ່ານມາ ເຈົ້າໜ້າທີ່ ປກສ ກຸ່ມບ້ານອ່າງນໍ້າຕີນ ໄດ້ຮັບແຈ້ງຄວາມຜ່ານໂທລະສັບວ່າ ມີຜູ້ເສຍຊີວິດ 2 ຄົນເປັນເພດຍິງ 1 ຄົນ ຢູ່ບໍລິເວນໄຮ່ ເຂດບ້ານນໍ້າສະໝອກເໜືອ ເມືອງ ຫ້ວຍຊາຍ ແຂວງ ບໍ່ແກ້ວ ເຊິ່ງຜູ່ເຄາະຮ້າຍທັງສອງມີຊື່ວ່າ:​ ທ້າວ ກໍລີ ອາຍຸ 55 ປີ ແລະ ນາງ ບີມົວ ອາຍຸ 50 ປີ (ຜົວເມຍກັນ) ທັງສອງມີອາຊີບເຮັດນາ ປັດຈຸບັນອາໃສຢູ່ບ້ານນໍ້າສະໝອກເໜືອ ເມືອງ ຫ້ວຍຊາຍ ແຂວງ ບໍ່ແກ້ວ.

ຜ່ານການສືບສວນ-ສອບສວນເບື້ອງຕົ້ນ ທ້າວ ຈັນຟອງ ຊົງ ຜູ່ເປັນລູກເຂີຍໄດ້ໃຫ້ການວ່າ ທ້າວ ກໍລີ ແລະ ນາງ ບີມົວ ເປັນພໍ່ເຖົ້າ ແລະ ແມ່ເຖົ້າຂອງຕົນ ເຊິ່ງທັງສອງໄດ້ອອກຈາກເຮືອນໄປນອນຢູ່ໄຮ່ບ່ອນບຸກເບີກດິນນາໃໝ່ ເຂດບ້ານຫ້ວຍຢວກ ລະຫວ່າງຊາຍແດນນໍ້າສະໝອກເໜືອ ເມືອງຫ້ວຍຊາຍ ແລະ ບ້ານຫາດບວກ ເມືອງຜາອຸດົມ ແຂວງບໍ່ແກ້ວ ເປັນເວລາ 2 ສັບປະດາແລ້ວ ແຕ່ເມື່ອບໍ່ເຫັນພໍ່ເຖົ້າ ແລະ ແມ່ເຖົ້າກັບມາເຮືອນ ຈົນມາຮອດວັນທີ 24 ມັງກອນ 2017 ຜູ່ກ່ຽວຈິ່ງໄດ້ອອກຈາກເຮືອນໄປນໍາຫາຢູ່ໄຮ່ ເມື່ອໄປຮອດຖຽງໄຮ່ກໍໄດ້ພົບເຫັນພໍ່ເຖົ້ານອນເສຍຊີວິດຢູ່ຖຽງໄຮ່ໃນສະພາບຊາກສົບເນົ່າເປື່ອຍ ແລະ ມີຄາບເລືອດຕິດຢູ່ບໍລິເວນພື້ນດິນ ຈາກນັ້ນຈິ່ງເຫັນສົບແມ່ເຖົ້ານອນເສຍຊີວິດຢູ່ກາງໄຮ່ຫ່າງຈາກຖຽງໄຮ່ປະມານ 14-15 ແມັດ ມີເລືອດອອກຢູ່ບໍລິເວນໜ້າເອິກ ຫຼັງຈາກນັ້ນຜູ່ກ່ຽວຈິ່ງໄດ້ກັບມາລາຍງານຕໍ່ອົງການປົກຄອງບ້ານ ແລະ ຍາດຕິພີ່ນ້ອງ.

ຜ່ານການເກັບກໍາຂໍ້ມູນເບື້ອງຕົ້ນຂອງເຈົ້າໜ້າທີ່ເຫັນວ່າ ທ້າວ ກໍລີ ມີບາດແຜແຕກທີ່ຫົວ ຍ້ອນຖືກກະທົບດ້ວຍຂອງແຂງ ສ່ວນນາງ ບີມົວ ແມ່ນຖືກຍິງດ້ວຍປືນແກັບ ມີຮູລູກໂດດເຂົ້າໜ້າເອິກຊອດທາງຫຼັງ 1 ລູກ ແລະ ຮູລູກຫວ່ານຈໍານວນຫຼາຍຢູ່ໜ້າເອິກ ສ່ວນໃນສະຖານທີ່ເກີດເຫດກໍພົບເຫັນວັດຖຸຂອງກາງ ແລະ ຫຼັກຖານທີ່ຜູ່ກະທໍາຜິດນໍາໃຊ້ກໍ່ການຄາຕະກໍາຕົກຢູ່ສະຖານທີ່ເກີດເຫດ ເຊິ່ງປະກອບມີ ປືນແກັບຍາວປະມານ 1,80 ແມັດ ໄມ້ຄ້ອນ 2 ທ່ອນທີ່ຍັງມີຄາບເລືອດຕິດຢູ່ ແລະ ມີດ 2 ດວງ ປັດຈຸບັນ ປກສ ແຂວງບໍ່ແກ້ວ ພວມເລັ່ງດໍາເນີນການສືບສວນ-ສອບສວນ ເພື່ອຫາໂຕຜູ້ກະທໍາຜິດມາລົງໂທດຕາມລະບຽບກົດໝາຍຢ່າງເຂັ້ມງວດ.

ຂ່າວ/ພາບໂດຍ: ກອງມະນີ
ແຫລ່ງຂ່າວຈາກ: http://www.abclaosnews.com/2017/02/blog-post_48.html
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...