ຖ້າຖາມເລື່ອງເກມ Bomberman ແລ້ວ ຫຼາຍຄົນອາດຈະຮູ້ຈັກກັນດີແນ່ນອນ ເພາະເປັນເກມວາງລະເບີດທີ່ມ່ວນ, ມັນ ກັນແບບບໍ່ຢຸດ, ໂດຍສະເພາະໂໝດຫຼິ້ນນຳກັນຫຼາຍຄົນ ເຮົາສາມາດກວນໝູ່ໄດ້ແບບມ່ວນໆກັນເລີຍ. ແຕ່ຄວາມເປັນຈິງແລ້ວເກມ Bomberman ນີ້ຖືວ່າເປັນເກມທີ່ເປັນເຊີໄພຂອງຄ່າຍ Hudson Soft ແບບຄາດບໍ່ເຖິງຄືກັນ ໂດຍຈຸດກຳເນີດຂອງນັກວາງລະເບີດນ້ອຍນີ້ມີຄວາມໜ້າສົນໃຈບໍ່ໜ້ອຍເລິຍ ເຮົາມາຍ້ອນເບິ່ງນຳກັນເລີຍວ່າ Bomberman ມີທີ່ມາທີ່ໄປຈາກໃສກັນແທ້…
Bomberman ໄດ້ຖືກຳເນີດຂຶ້ນຄັ້ງທຳອິດເມື່ອທ່ານ Nakamoto Shinichi (ນາຄາໂມໂຕະ ຊິນອິຈິ) ນັກພັດທະນາເກມຈາກ Hudson ທີ່ຢາກຈະສ້າງເກມແນວແອັກຊັ່ນຈັກເກມທີ່ມີຄວາມແຕກຕ່າງຈາກເກມໃນຕະຫຼາດທົ່ວໄປ ໂດຍໃຫ້ມີຮູບແບບດ່ານຄືກັບເຂົາວົງກົດທີ່ເຮົາຈະຕ້ອງຫາທາງອອກ ເຊິ່ງມີສັດຕູຄອຍເອົາຊີວິດເຮົາຢູ່ທົ່ວທຸກບ່ອນ ແລະເຮັດໃຫ້ລາວແນມວ່າຫາກຈະເຮັດໃຫ້ແຕກຕ່າງຈາກຕະຫຼາດຍຸກນັ້ນ ກໍຕ້ອງໃຫ້ໂຕເອກໃຊ້ລະເບີດເປັນອາວຸດໄປເລີຍ ແລະລະເບີດທີ່ເວົ້ານີ້ນອກຈາກທຳລາຍສັດຕູແລ້ວ ຍັງສາມາດທຳລາຍດິນຈີ່, ບລ໋ອກ ເພື່ອຫາທາງຜ່ານ ແລະຍັງທຳລາຍໂຕເຮົາເອງໄດ້ອີກນຳ. ດັ່ງນັ້ນການວາງລະເບີດຂອງເຮົາຈະຕ້ອງໜີໃຫ້ຫ່າງຈາກລັດສະໝີການວາງລະເບີດ ນັ້ນຈຶ່ງກໍ່ໃຫ້ເກີດການເຮັດເກມ Bomberman ຂຶ້ນມາໃນທີ່ສຸດ.
ຈາກເກົ່ານັ້ນ ທ່ານຊິນອິຈິໄດ້ຄຶດວ່າຈະເຮັດເກມນີ້ລົງໃຫ້ເທິງເຄື່ອງ PC ແຕ່ໃນຕອນນັ້ນເຄື່ອງ Famicom ພັດເປັນເຄື່ອງຄອນໂຊລທີ່ດັງທີ່ສຸດໃນຕອນນັ້ນ ເຮັດໃຫ້ທ່ານຊິນອິຈິເກີດການປ່ຽນໃຈມາເຮັດເກມລົງເທິງເຄື່ອງ Famicom ແທນ ແຕ່ເນື່ອງຈາກລາວພັດທະນາເກມໄປເກືອບແລ້ວໆ ການປ່ຽນແຜນມາພອຣ໌ດລົງ Famicom ທັນທີຈຶ່ງບໍ່ແມ່ນເລື່ອງງ່າຍ ເຈົ້າໂຕກໍເລີຍຈຳເປັນຕ້ອງເຮັດວຽກຫຼາຍກວ່າເກົ່າດົນເຖິງ 72 ຊົ່ວໂມງແບບຍາກລຳບາກ ໂດຍບໍ່ຮູ້ວ່າວຽກທີ່ອອກມາຈະເປັນແນວໃດ ແຕ່ວ່າທຸກຢ່າງກໍຜ່ານໄປໄດ້ດ້ວຍດີສົມໃຈ ແລະນັ້ນເຮັດໃຫ້ Bomberman ລົງເທິງເຄື່ອງ Famicom ໄດ້ສຳເລັດ ຈົນສາມາດອອກວາງຈຳໜ່າຍໃຫ້ແຟນເກມໄດ້ຫຼິ້ນແບບມ່ວນໆຈົນໄດ້.
ນອກຈາກນີ້ ທ່ານຊິນອິຈິ ມີຄວາມຕ້ອງການຂະຫຍາຍແຟນໄຊຂອງເກມນີ້ນຳ ຈຶ່ງໄດ້ວາງເກມຄືໆພາກຕໍ່ແບບ Lode Runner ຂຶ້ນມາ ແລະພັດທະນາໃນຊ່ວງໃກ້ໆກັບ Bomberman ໂດຍລາວໄດ້ປ່ຽນ Bomberman ໃຫ້ເປັນໂຕຮ້າຍຂອງເກມນັ້ນແທນໄປເລີຍ ກະວ່າຈະປິດສາກ Bomberman ແລະປັ້ນ Lode Runner ມາແທນ, ແຕ່ວ່າກໍເກີດເຊີໄພຄັ້ງໃຫຍ່ເມື່ອ Bomberman ພັດຂາຍໄດ້ເຖິງ 1 ລ້ານຊຸດທີ່ຍີ່ປຸ່ນ ເຮັດໃຫ້ທ່ານຊິນອິຈິເຖິງກັບຕົກໃຈ ແລະປ່ຽນຄວາມຄິດອີກຮອບ ໂດຍຍຸບໂປຣເຈັກ Lode Runner ຖິ້ມ ແລ້ວມາພັດທະນາພາກຕໍ່ຂອງ Bomberman ຈົນມັນກາຍມາເປັນເກມຊີຣີສຸດຮິດໃນຍຸກ 90 ໄປທັນທີ.
ໃນຂະນະດຽວກັນໃນພາກຕໍ່ຂອງ Bomberman ຄື: Bomberman 2 ກໍໄດ້ມີການໃສ່ໂໝດ Multiplayer ເຂົ້າໄປໃນເກມເປັນຄັ້ງທຳອິດ ໂດຍຈະເປັນການຕໍ່ສູ້ກັນຂອງບອມເບີແມນສີຂາວແລະສີດຳ. ເຊິ່ງພາກ 2 ນີ້ ເຖິງວ່າຈະບໍ່ໄດ້ມີການເວົ້າເຖິງເທົ່າທີ່ຄວນ ແຕ່ມັນເປັນການວາງຮາກຖານສຳຄັນໃນການພັດທະນາໂໝດ Multiplayer ຂອງຊີຣີ Bomberman ໃນເວລາຕໍ່ມາ ໂດຍສະເພາະພາກທີ່ດັງທີ່ສຸດແບບ Super Bomberman ນັ້ນເອງ.
ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!
ທີ່ມາ: online station