ລູກເກີດມາ ຈະສະຫຼາດໄດ້ນັ້ນ ສຳຄັນແມ່ນກໍຕ້ອງມາຈາກແມ່ ແລະພຶດຕິກຳ ການກະທຳຂອງແມ່, ນອກນັ້ນ ການກິນກໍມີສ່ວນຊ່ວຍເຮັດໃຫ້ລູກແຂງແຮງ ແລະສະຫຼາດໄດ້
- ລົມກັບລູກກະຕຸ້ນຄວາມຄິດສ້າງສັນ: ການລົມກັບລູກທີ່ຢູ່ໃນທ້ອງ ເປັນເຄັດລັບທີ່ສຳຄັນ ທີ່ເຮັດໃຫ້ລູກສະຫຼາດຕັ້ງແຕ່ຍັງຢູ່ໃນທ້ອງແມ່, ສຽງຂອງແມ່ ສະສົ່ງຜ່ານໄປຫາປະສາດຂອງລູກນ້ອຍ ເພື່ອປູພື້ນຖານການໄດ້ຍິນ, ການຮັບຮູ້, ການແຍກສຽງ ເຮັດໃຫ້ລູກໃນທ້ອງມີທັກສະດ້ານພາສາ ແລະສື່ສານຕັ້ງແຕ່ຍັງບໍ່ທັນເກີດ ເພາະສຽງແມ່ມີປະສິດທິພາບຫຼາຍທີ່ສຸດ ເຊິ່ງເຮັດແບບນີ້ໄດ້ຕະຫຼອດທຸກມື້ລະຫວ່າງຖືພາ ເປັນການສ້າງຄວາມສະຫຼາດໃຫ້ລູກໄດ້ແບບງ່າຍໆ
- ສຳຜັດທ້ອງ ລູກຈະຕອບສະໜອງເກັ່ງ: ການລູບທ້ອງແຮງໆ ລູບເປັນວົງມົນ ຈາກລຸ່ມຂຶ້ນເທິງ ຫຼືຈາກເທິງລົງລຸ່ມກໍໄດ້ ເພື່ອກະຕຸ້ນການສຳຜັດໃຫ້ລູກນ້ອຍໄດ້ຮຽນຮູ້ການສື່ສານຜ່ານຜິວໜັງ ແລະມົດລູກຂອງແມ່, ເຮັດໄດ້ຕັ້ງແຕ່ຫຼັງອາທິດທີ 8 ເປັນຕົ້ນໄປ ເພາະລູກເລີ່ມໄວຕໍ່ສຳຜັດ ແລະເຄື່ອນໄຫວໄດ້ແລ້ວ
- ແມ່ອອກກຳລັງກາຍ ລູກໄດ້ຮັບຜົນດີ: ການອອກກໍາລັງກາຍໃຫ້ພໍດີກັບແມ່ທີ່ຖືພາ ດ້ວຍການສໍາຫຼວດຄວາມພ້ອມຂອງຕົວເອງ ຫຼືປຶກສາແພດໝໍເຖິງແນວທາງທີ່ເໝາະສົມຂອງແຕ່ລະຄົນ ແລະເລືອກອອກກຳລັງກາຍແບບເບົາໆ ໃຫ້ເປັນກິດຈະວັດປະຈຳວັນວັນລະ 20-30 ນາທີ ຊ່ວຍໃຫ້ຫົວໃຈຂອງແມ່ເຮັດວຽກໄດ້ດີ, ເລືອດໄຫຼວຽນດີ, ຮ່າງກາຍແຂງແຮງ ທີ່ສຳຄັນຄື ເພີ່ມການພັດທະນາສະໝອງໃຫ້ລູກ ທີ່ເຄື່ອນໄຫວໄປກັບແມ່
- ກິນໄຂ່ມື້ລະໜ່ວຍ ບຳລຸງສະໝອງຕັ້ງແຕ່ຢູ່ໃນທ້ອງ: ແມ່ຍິງທີ່ຖືພາ ຄວນກິນໄຂ່ມື້ລະໜ່ວຍ ເພາະເປັນແຫຼ່ງໂປຣຕີນທີ່ດີຫຼາຍ ໄຂ່ 1 ໜ່ວຍ ມີໂປຣຕີນ 6 ກຣາມ ມີວິຕາມິນຕ່າງໆ ທັງວິຕາມິນບີ, ບີ 12, ຊີ, ດີ, ອີ ແລະເຄ ມີກົດອະມິໂນເຖິງ 9 ຊະນິດ ລວມເຖິງໂອເມກ້າ 3 ນຳອີກ ແລະທີ່ສຳຄັນມີໂຄລີນຫຼາຍເຖິງ 20% ເຊິ່ງທັງໝົດນັ້ນຊ່ວຍບຳລຸງສະໝອງລູກໃນທ້ອງ ໃຫ້ສ້າງເຍື່ງໄດ້ດີ ສົ່ງຜົນໃຫ້ສະໝອງ ແລະລະບົບປະສາດແຂງແຮງ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ