ອີງຕາມການລາຍງານຂອງ ສຳນັກຂ່າວ vovworld ຂອງຫວຽດນາມ ເມື່ອວັນທີ 7 ກຸມພາຜ່ານມານີ້ວ່າ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະຜູ້ແທນລາວ ໄດ້ເດີນທາງເຂົ້າຮ່ວມ ແລະ ເປັນປະທານຮ່ວມກອງປະຊຸມຄັ້ງທີ 39 ຄະນະກຳມະການຮ່ວມມືລະຫວ່າງ ລັດຖະບານຫວຽດນາມ- ລາວ ທີ່ນະຄອນຫລວງຮ່າໂນ້ຍ ຕາມຄຳເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ.
ສອງຝ່າຍໄດ້ດຳເນີນກອງປະຊຸມດັ່ງກ່າວ ເພື່ອແນໃສ່ສືບຕໍ່ຢືນຢັນບຸລິມະສິດ ໃນນະໂຍບາຍການຕ່າງປະເທດ, ພັດທະນາສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ-ລາວ ຢ່າງບໍ່ຢຸດຢັ້ງ, ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ລະຫວ່າງສອງປະເທດ, ເຫັນດີເປັນເອກະພາບ ຊີ້ິ້ນຳຜັນຂະຫຍາຍບັນດາຂໍ້ຕົກລົງຂັ້ນສູງ, ຊຸກຍູ້ການພົວພັນຮ່ວມມືລະຫວ່າງສອງປະເທດ ໃຫ້ພັດທະນາຢ່າງບໍ່ຢຸດຢັ້ງໃນໄລຍະໃໝ່.