ສຳນັກຂ່າວຕ່າງປະເທດ ລາຍງານໃນວັນທີ 6 ກຸມພານີ້ວ່າ ພົນເອກ ຈັກກະທິບ ໄຊຈິນດາ ຜູ້ບັນຊາການຕຳຫລວດແຫ່ງຊາດໄທ ໄດ້ອອກມາລະບຸກ່ຽວກັບ ພາບຖ່າຍຂອງ ທ້າວ ໄຊຊະນະ ແກ້ວພິມພາ ພໍ່ຄ້າຢາເສບຕິດຊາວລາວ ກັບເຈົ້າໜ້າທີ່ຕຳຫລວດໄທ ຊຶ່ງເປັນຫົວໜ້າດ່ານກວດຄົນເຂົ້າເມືອງ ແລະ ຕຳຫລວດໃນພື້ນທີ່ ລວມ 3 ຄົນ, ກໍລະນີນີ້ ໄດ້ສັ່ງໃຫ້ທີມງານກວດສອບພາບດັ່ງກ່າວແລ້ວ ແລະ ໄດ້ມອບໝາຍໃຫ້ນາຍຕຳຫລວດລະດັບສູງຂອງ ສຳນັກງານກວດຄົນເຂົ້າເມືອງ ກວດສອບເຖິງຄວາມເປັນຈິງວ່າ ໄດ້ມີຄວາມສະໜິດແໜ້ນກັບ ທ້າວ ໄຊຊະນະ ແກ້ວພິມພາ ຄືແນວໃດ ແລະ ມີສ່ວນກ່ຽວຂ້ອງກັບເຄືອຂ່າຍຄ້າຢາເສບຕິດລາຍນີ້ ຫລື ບໍ່.