ດັ່ງທີ່ພວກເຮົາຮູ້ນຳກັນແລ້ວວ່າ ປັດຈຸບັນປະເທດເຮົາກຳລັງສຸມໃສ່ການພັດທະນາພື້ນຖານໂຄງລ່າງ
ໂດຍສະເພາະແມ່ນຖະໜົນຫົນທາງ, ຊຶ່ງເສັ້ນທາງໃຫ້ມີຄວາມສະດວກສະບາຍໃນການໄປ-ມາຫາສູ່ ແລະ
ການຂົນສົ່ງສິນຄ້າຕ່າງໆ ຈາກພາຍໃນສູ່ພາຍນອກ ແລະ ຈາກພາຍນອກສູ່ພາຍໃນ, ແຕ່ຂະນະດຽວກັນ
ມີບາງເສັ້ນທາງຖືກສ້າງຂຶ້ນ ແລະ ເປີດນຳໃຊ້ບໍ່ເຖິງປີກໍເປ່ເພ ຍ້ອນການກໍ່ສ້າງບໍ່ໄດ້ມາດຕະຖານ ແລະ
ມີບາງເສັ້ນທາງກໍ່ເກົ່າແກ່ຊຸດໂຊມລົງຫຼາຍແຕ່ບໍ່ໄດ້ຮັບການປົວແປງ, ຍົກລະດັບ, ເຮັດໃຫ້ລັດຖະບານ
ຕ້ອງສູນເສຍງົບປະມານເປັນຈຳນວນມະຫາສານຄື: ສະເພາະໃນສົກປີ 2013- 2014 ນີ້, ລັດຖະບານຕ້ອງ
ໃຊ້ງົບປະມານເຖິງ 283 ຕື້ກີບເພື່ອປັບປຸງປົວແປງເສັ້ນທາງທີ່ເປ່ເພເຫຼົ່ານັ້ນ, ແຕ່ງົບປະມານດັ່ງກ່າວກໍ
ສາ ມາດສ້ອມແປງເສັ້ນທາງເປ່ເພດັ່ງກ່າວໄດ້ພຽງ 59% ຂອງແຜນການເທົ່ານັ້ນ, ຖືວ່າລັດຖະບານຍັງຈະ
ຕ້ອງໃຊ້ງົບປະມານອີກເປັນຈຳນວນຫຼາຍ ເພື່ອໃຊ້ເຂົ້າໃນວຽກງານນີ້, ສະນັ້ນ ເຫັນວ່າມັນເຖິງເວລາແລ້ວ
ທີ່ພວກເຮົາຈະຕ້ອງມີມາດຕະການເຂັ້ມງວດໃນການກວດມາດຕະຖານການກໍ່ສ້າງເສັ້ນທາງໃຫ້ດີຂຶ້ນ,
ໂດຍສະເພາະເລັ່ງໃສ່ກວດກາການກໍ່ສ້າງເສັ້ນທາງແຕ່ລະຂັ້ນຕອນຢ່າງສະອຽດ, ພ້ອມທັງມີມາດຕະການ
ຕໍ່ຜູ້ຮັບເໝົາກໍ່ສ້າງທີ່ບໍ່ໄດ້ມາດຕະຖານ, ເພື່ອເຮັດແນວໃດໃຫ້ການກໍ່ສາງເສັ້ນທາງໃນປະເທດເຮົາມີມາດ
ຕະຖານທຽບເທົ່າກັບພາກພື້ນ ແລະ ເປັນປະເທດທີ່ມີຄວາມຈະເລີນສີວິໄລທາງດ້ານພື້ນຖານໂຄງລ່າງ.
ປັດຈຸບັນເສັ້ນທາງຫຼາຍສາຍໃນນະຄອນຫຼວງວຽງຈັນ ໄດ້ເປ່ເພຢ່າງໜັກສ້າງຄວາມຫຍຸ້ງຍາກໃຫ້ການສັ້ນ
ຈອນໄປມາ ຈົນເກີດຫ່າງສຽງຈາກວ່າຈາກປະຊາຊົນ ເພື່ອຢາກຂໍຮ້ອງໃຫ້ພາກສ່ວນກ່ຽວຂ້ອງເລັ່ງສ້ອມແປງ
ໂດຍສະເພາະແມ່ນ: ເສັ້ນທາງດົງໂດກ-ໜອງບຶກ, ໜອງແຕ່ງ-ສີໄຄ ແລະ ເສັ້ນທາງອື່ນໆອີກເພື່ອບໍ່ໃຫ້ມັນ
ເປ່ເພໄປຫຼາຍກວ່ານີ້.
ບົດຂ່າວຈາກ: http://laophatthananews.blogspot.com/2014/08/blog-post_18.html