ມີແວວວ່າ ຮູບເງົາແນວແອັກຊັ່ນຟອມເດືອດຢ່າງ “John Wick” ເລື່ອງລາວຂອງນັກຂ້າສີມືລະດັບເທບທີ່ພ້ອມລຸຍແຫຼກແບບຍິງເປັນຍິງ ຕາຍເປັນຕາຍ ສີມືການສະແດງຂອງ “ຄີອານູ ຣີຟສ໌” ຊຸບເປີສະຕາຣ໌ ແຫ່ງວົງການ ຮໍລິວູດ ສຸດເທ້ຈະບໍ່ຢຸດພຽງແຕ່ພາກສອງ ແລະ ວົງການຈໍເງິນເທົ່ານັ້ນ ເມື່ອຜູ້ກຳກັບເປີດເຜີຍວ່າທາງຄ້າຍ Lionsgate ສົນໃຈສ້າງ “John Wick” ຕໍ່ດ້ວຍການເປັນຊີຣີ້ລົງຈໍແກ້ວ (ໂທລະທັດ)
ຫຼັງປະສົບຄວາມສຳເລັດເກີນຄາດໃນພາກທຳອິດ ແລະ ພາກທີສອງຢ່າງ “John Wick : Chapter Two” ເຊິ່ງມີແຜນກຳນົດເຂົ້າສາຍໃນໂຮງຮູບເງົາເມືອງໄທ ວັນທີ 6 ກຸມພານີ້ ແຕ່ສຳລັບໂຮງຮູບເງົາບ້ານເຮົາຍັງບໍ່ມີແຜນກຳນົດສາຍ ແຕ່ຄາດວ່າຈະໄວ່ໆນີ້ ເຊິ່ງປັດຈຸບັນໄດ້ເລີ່ມມີການລົມກັນເຖິງແຜນຈະສ້າງ John Wick ເວີຊັ່ນຊີຣີ້ກັນແລ້ວ ເຊິ່ງຄາດວ່າຈະເປັນການເລົ່າເລື່ອງລາວເຫດການທີ່ເກີດຂຶ້ນກ່ອນທີ່ເຮົາຈະໄດ້ຊົມໃນເວີຊັ່ນຮູບເງົາ
ໂດຍຜູ້ກຳກັບສາຍບູ້ ຢ່າງ “ແຊດ ສະຕາເຮສກີ້” ໃຫ້ສຳພາດກັບເວັບໄຊ SlashFilm ວ່າທາງຄ້າຍ Lionsgate ມີຄວາມສົນໃຈສ້າງ John Wick ໃຫ້ເປັນຊີຣີ້ ເຊິ່ງເປັນເລື່ອງທີ່ໄດ້ໃຊ້ຄວາມຄິດສ້າງລົງໄປ ເພາະເຂົາເຫັນວ່າການເປັນຊີຣີ້ຈະສາມາດຂະຫຍາຍຄວາມສິ່ງຕ່າງໆ ໄດ້ຫຼາຍກວ່າການເຮັດຮູບເງົາທີ່ຍາວ 2 ຊົ່ວໂມງ
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!