ສຳນັກຂ່າວຕ່າງປະເທດລາຍງານຈາກນະຄອນຫຼວງ ໂຊລ ປະເທດເກົາຫຼີໃຕ້ ເມື່ອວັນທີ 1 ກຸມພາ 2017 ວ່າ ທ່ານ ບັນ ຄີ ມູນ ໄວອາຍຸ 72 ປີ ອະດີດເລຂາທິການສະຫະປະຊາຊາດ (ຢູເອັນ) ຖະແຫຼງເມື່ອວັນພຸດທີ່ຜ່ານມາ ຫລັງສຳເລັດການຫາລືກັບສະມາຊິກລະດັບສູງຂອງພັກ ແຊນູຣິ ເຊິ່ງເປັນພັກລັດຖະບານຊຸດປັດຈຸບັນ ທ່ານ ບັນ ຄີ ມູນ ໄດ້ປະຕິເສດການລົງສະໝັກເລືອກຕັ້ງຊິງຕຳແໜ່ງປະທານາທິບໍດີ ເກົາຫຼີໃຕ້ ທີ່ຈະເກີດຂຶ້ນໃນມໍ່ໆນີ້
ໂດຍທ່ານ ບັນ ຄີ ມູນ ໄດ້ກ່າວວ່າ: “ຕົນເອງຖືກໃສ່ຮ້າຍປ້າຍສີຈາກສື່ໃນລັກສະນະຂອງການມຸ່ງທຳລາຍຊື່ສຽງ ເຮັດໃຫ້ຕົນເອງເບິ່ງບໍ່ເຫັນຄວາມຫວັງໃນການສ້າງການປ່ຽນແປງທາງການເມືອງ ແລະ ຄວາມສາມັກຄີໃນຊາດ ແລະ ສິ່ງທີ່ເຫຼືອຢູ່ຕອນນີ້ມີພຽງຮອຍບາດແຜໃນໃຈສຳລັບຕົນເອງ ແລະ ຄອບຄົວ ຮວມທັງກຽດສັກສີຈາກການເຮັດວຽກໃນຕຳແໜ່ງເລຂາທິການໃຫຍ່ຢູເອັນ ຕະຫຼອດ 10 ປີທີ່ຜ່ານມາ”
ການປະກາດຫຼ້າສຸດຂອງທ່ານ ບັນ ຄີ ມູນ ໄດ້ສ້າງຄວາມປະແປກໃຈໃຫ້ສີ່ພັກສຳຄັນທີ່ກຽມສົ່ງຜູ້ສະໜັກລົງເລືອກຕັ້ງຊິງຕຳແໜ່ງປະທານາທິບໍດີ ເກົາຫຼີໃຕ້.
ຈາກຜົນການສຳຫຼວດຄວາມຄິດເຫັນກຸ່ມຕົວຢ່າງ 1,147 ໂດຍ ອາຣແອນເສີຣຊ ແລະ ເຜີຍແຜ່ອອກມາໃຫ້ຮັບຮູ້ເມື່ອວັນ ພຸດ (01/01/2017) ລະບຸວ່າ ຈຳນວນຜູ້ສະໜັບສະໜູນທ່ານ ບັນ ຄີ ມູນ ຍັງຄົງຫຼຸດລົງຢ່າງຕໍ່ເນື່ອງຈາກ 18% ເມື່ອອາທິດທີ່ຜ່ານມາ ເລືອພຽງ 16.5%
ແຫລ່ງຂ່າວຈາກ: http://www.manager.co.th/Around/ViewNews.aspx?NewsID=9600000011115
ຕິດຕາມຂ່າວເສດຖະກິດລາວ ກົດໄລຄ໌ເລີຍ!