spot_img
Homeຂ່າວເຫດການຍີ່ປຸ່ນ ໃຫ້ທຶນຊ່ວຍເຫຼືອ 3 ແສນກວ່າໂດລາ ເພື່ອສຸຂະພາບ ເດັກນ້ອຍຢູ່ແຂວງຫົວພັນ

ຍີ່ປຸ່ນ ໃຫ້ທຶນຊ່ວຍເຫຼືອ 3 ແສນກວ່າໂດລາ ເພື່ອສຸຂະພາບ ເດັກນ້ອຍຢູ່ແຂວງຫົວພັນ

Published on

ໃນວັນທີ 30 ມັງກອນ 2017 ຜ່ານມານີ້ ທີ່ສະຖານທູດຍີ່ປຸ່ນ ໄດ້ມີພິທີເຊັນສັນຍາໂຄງການ ຊ່ວຍເຫຼືອ ລະຫວ່າງ ທ່ານ ທາເຄຊິ ຮິຄິ ຮາຣະ ເອກອັກຄະຣາຊະທູດ ຍີ່ປຸ່ນປະຈຳລາວ ແລະ ທ່ານ ຄາຊຶຮິໂກະ ທາເຄດະ ຫົວໜ້າ ພະແນກວຽກງານຊ່ວຍເຫຼືອການ ແພດໂລກຍີ່ປຸ່ນ (MdMj) ໂດຍ ມີທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ ແລະ ພາກ ສ່ວນທີ່ກ່ຽວຂ້ອງເຂົ້າຮ່ວມເປັນ ສັກຂີພິຍານ.

ທາງລັດຖະບານຍີ່ປຸ່ນ ໃຫ້ການຊ່ວຍເຫຼືອຫຼາຍກວ່າ 365.651 ໂດລາສະຫະລັດ ເຂົ້າໃນໂຄງການເບິ່ງແຍງສຸຂະພາບເດັກນ້ອຍ ຢູ່ແຂວງ ຫົວພັນ ເພື່ອບໍລິການຮັກສາ ສຸຂະພາບໂດຍບໍ່ເສຍຄ່າໃຫ້ ແກ່ເດັກນ້ອຍ ທີ່ມີອາຍຸຕ່ຳກວ່າ 5 ປີ ທີ່ເມືອງຊ່ອນ ແລະ ເມືອງ ຫົວເມືອງ ແຂວງຫົວພັນ.

ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນ ປະຈຳລາວ ໄດ້ກ່າວວ່າ: ໂຄງການດັ່ງກ່າວ ແມ່ນເສີມສ້າງຄວາມເຂັ້ມແຂງໃຫ້ລະບົບຮັກສາສຸຂະພາບເດັກນ້ອຍ ຢູ່ ແຂວງຫົວພັນ ໂດຍ ຜ່ານການສ້າງຄວາມສາມາດ ໃຫ້ພະນັກງານຢູ່ໂຮງໝໍ, ສຸກສາລາ ແລະ ຄະນະກຳມະການຮັກສາສຸຂະພາບຂັ້ນບ້ານ ມີເປົ້າໝາຍຫຼຸຸດຜ່ອນອັດຕາການເສຍຊີວິດ ຂອງເດັກນ້ອຍ ທີ່ມີອາຍຸຕ່ຳກວ່າ 5 ປີ ຊຶ່ງການບໍລິການແບບບໍ່ເສຍຄ່າຈະເປັນວິທີທີ່ດີທີ່ສຸດ ໃນການພັດທະນາຄຸນນະພາບ ການບໍລິການທາງການແພດ ໃຫ້ແກ່ເດັກນ້ອຍ ແລະ ສົ່ງເສີມ ການປ້ອງກັນການຕິດເຊື້ອພະຍາດ, ພ້ອມທັງຫຼຸຸດຜ່ອນພາລະ ຄ່າໃຊ້ຈ່າຍດ້ານການແພດໃນຂັ້ນບ້ານອີກດ້ວຍ.

ຂ່າວ: ໜັງສືພິມ ວຽງຈັນໃໝ່

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...