ນີ້ຄືຮູບຄອນເຊັບຂອງຕຶກສູງພຽງຟ້າ ທີ່ມີຊື່ວ່າ Rice Terraces ຜົນງານຂອງການອອກແບບຂອງ Studio Cachoua Torres Camilletti ໃນຮ່ອງກົງ ທີ່ໄດ້ແນວຄິດມາຈາກການທີ່ມະນຸດເຮົາສາມາດຢູ່ລອດໄດ້ນັ້ນຕ້ອງມີອາຫານ ດັ່ງນັ້ນຈິ່ງໄດ້ມີການຄິດຄົ້ນສ້າງຕິກທີ່ສາມາດເປັນທັງບ່ອນຢູ່ອາໃສພ້ອມກັບເປັນແຫຼ່ງຜະລິດອາຫານໄດ້
ໂຄງສ້າງຂອງຕຶກຖືກແບ່ງອອກເປັນ 2 ຝາກ ພາຍນອກນັ້ນໄດ້ຮັບການຕົບແຕ່ງໃຫ້ເບິ່ງເປັນທຳມະຊາດ ໂດຍໃນສ່ວນຝາກຂອງຕຶກໃຫຍ່ກວ່າຈະເປັນສ່ວນຂອງຫ້ອງການ, ຫ້າງສັບພະສິນຄ້າ, ຄວາມບັນເທີງຕ່າງໆ ສ່ວນອີກຝາກຂອງຕຶກນັ້ນຈະເປັນບ່ອນຢູ່ອາໃສ ແລະ ບ່ອນຜະລິດອາຫານ ອາຄານທັງສອງຝາກຈະມີຂົວເຊື່ອມຕໍ່ເຂົ້າຫາກັນໃຫ້ສາມາດຍ່າງຫາກັນໄດ້ແບບສະດວກສະບາຍ
ໃນສ່ວນດ້ານເທິງຂອງດາດຟ້າ ມີລະບົບກັກເກັບນ້ຳຝົນທີ່ສາມາດຊ່ວຍໃຫ້ຜູ້ຢູ່ອາໃສ ເຮັດນາເທິງຕຶກໄດ້ ບໍ່ພຽງແຕ່ເຮັດນາເທົ່ານັ້ນ ຍັງມີອ່າງລ້ຽງປາອີກດ້ວຍ ສຳລັບລະບົບພະລັງງານໃນຕຶກນີ້ ໄດ້ຮັບການອອກແບບມາໃຫ້ໃຊ້ພະລັງງານຈາກເຄື່ອງປະຕິບັດການນິວເຄຍທີ່ຢູ່ໃນຊັ້ນໃຕ້ດິນ ເຊິ່ງໃຊ້ແບບບໍ່ມີວັນໝົດ
ນັບວ່າ ຄອນເຊັບ ຂອງຕຶກມີຄວາມຄິດທີ່ສ້າງສັນ ແລະ ກ້າວໄກແທ້ໆ ແຕ່ສຳລັບຕຶກສຸດລ້ຳສະໃໝນີ້ແມ່ນຕ້ອງໃຊ້ງົບປະມານຈຳນວນມະຫາສານໃນການກໍ່ສ້າງ ເຊິ່ງໃນອານາຄົດເຮົາອາດຈະເຫັນຕຶກແບບນີ້ແທ້ໆກໍ່ໄດ້
ແຫລ່ງຂໍ້ມູນຈາກ: http://board.postjung.com/1010948.html
ຕິດຕາມນານາສາລະ ກົດໄລຄ໌ເລີຍ!